વર્ષના અંતિમ દિવસે બિગ બોસના ઘરમાં ભારે ઉત્તેજના જોવા મળી હતી. ઝઘડા વચ્ચે શોમાં નવા વર્ષની ઉજવણી કરવામાં આવી હતી. પાર્ટીનો માહોલ બનાવવા માટે શોમાં કેટલાક સેલેબ્સ પણ આવ્યા હતા જેમણે પોતપોતાની સ્ટાઇલમાં ઘરનું વાતાવરણ બદલવાનો પ્રયાસ કર્યો હતો.
નવા વર્ષ નિમિત્તે શિલ્પા શેટ્ટીએ વીડિયો કોલ દ્વારા બિગ બોસના ઘરમાં એન્ટ્રી લીધી હતી. મહિનાઓ પછી બંને બહેનો એકબીજાને જોઈને પોતાની લાગણીઓ પર કાબૂ રાખી શકી નહીં અને રડવા લાગી. શિલ્પા શેટ્ટીએ કહ્યું કે એવું ક્યારેય બન્યું નથી કે તે અને શમિતા આટલા લાંબા સમયથી એકબીજાથી દૂર હોય. શિલ્પાએ એમ પણ કહ્યું છે કે શમિતા તેના માટે વિનર બની ચૂકી છે.
વર્ષના છેલ્લા દિવસને રસપ્રદ બનાવવા માટે શ્વેતા તિવારીની પુત્રી પલક તિવારીએ પણ શોમાં પ્રવેશ કર્યો. પલક તિવારી વિશે વાત કરતાં સલમાન ખાને કહ્યું કે તે 'અન્ટીમ'ની આસિસ્ટન્ટ ડિરેક્ટર હતી. સલમાનનું કહેવું છે કે પલક તિવારીની માતા શ્વેતા તિવારી બિગ બોસ સીઝન 4ની વિનર રહી ચૂકી છે. તે સમયે પલક 8 વર્ષની હતી હવે પલક તિવારી શોમાં આવી ગઈ હતી તો સલમાન ખાન કેવી રીતે ડાન્સ ન કરી શકે. સલમાન ખાન અને પલક તિવારીએ 'બિજલી-બિજલી' ગીત પર સાથે ડાન્સ કર્યો હતો. શોમાં પલક તિવારી ઉપરાંત શેખર, સિદ્ધાર્થ નિગમ, જન્નત ઝુબેર અને અનુ મલિક પણ હાજર હતા. હવે ચાલો જોઈએ કે આજના વિકેન્ડ કા વારમાં શું થવાનું છે.