'રામ ધૂન' ગીત રિલીઝ થતાની સાથે જ થયું વાયરલ, કૈલાશ ખેરના અવાજે લોકોને કર્યા દિવાના
હવે પંકજ ત્રિપાઠીની ફિલ્મ 'મૈં અટલ હૂં' રિલીઝ થવામાં થોડા જ દિવસો બાકી છે. દરેક લોકો આ ફિલ્મની આતુરતાથી રાહ જોઈ રહ્યા છે.
હવે પંકજ ત્રિપાઠીની ફિલ્મ 'મૈં અટલ હૂં' રિલીઝ થવામાં થોડા જ દિવસો બાકી છે. દરેક લોકો આ ફિલ્મની આતુરતાથી રાહ જોઈ રહ્યા છે. રવિ જાધવ દ્વારા નિર્દેશિત આ ફિલ્મમાં પંકજ ત્રિપાઠી પૂર્વ વડાપ્રધાન અટલ બિહારી વાજપેયીની ભૂમિકામાં જોવા મળશે.
હવે મેકર્સે વધુ એક નવું ગીત 'રામ ધૂન' રિલીઝ કર્યું છે. અભિનેતા પંકજ ત્રિપાઠીએ પણ આ ગીત પોતાના સોશિયલ મીડિયા પર શેર કર્યું છે. આ ગીત સોશિયલ મીડિયા પર આવતાની સાથે જ લોકપ્રિય થઈ ગયું છે.
'મૈં અટલ હૂં'માં પૂર્વ વડાપ્રધાન અટલ બિહારી વાજપેયીની ભૂમિકા ભજવનાર અભિનેતા પંકજ ત્રિપાઠીએ પોતાના ઈન્સ્ટાગ્રામ પર ફિલ્મના નવા ગીત 'રામ ધૂન'નો એક વીડિયો શેર કર્યો છે. વીડિયો શેર કરતી વખતે તેણે કેપ્શનમાં લખ્યું કે, 'જ્યારે ધુનકી લાગી રામ નામ કી, બધા કામ ભૂલી ગયા'. તમને જણાવી દઈએ કે 'રામ ધૂન' ગીત કૈલાશ ખેરે લખ્યું અને ગાયું છે. સાથે જ તેને કૈલાશ ખેરે કમ્પોઝ પણ કર્યું છે. આ ગીતને 24 કલાકમાં લાખો લોકો જોઈ ચૂક્યા છે. આ ગીત રિલીઝ થતાની સાથે જ દરેક જગ્યાએ વાયરલ થઈ ગયું. લોકો આ ગીતને પણ ખૂબ પસંદ કરી રહ્યા છે.
