યે રિશ્તા ક્યા કહેલાતા હૈ ફેમ અભિનેત્રી વૈશાલી ઠક્કરે કરી આત્મહત્યા.!

ટીવી ઈન્ડસ્ટ્રીના ચોંકાવનારા સમાચારે બધાને ચોંકાવી દીધા હતા. પ્રખ્યાત ટીવી અભિનેત્રી વૈશાલી ઠક્કરે આત્મહત્યા કરી લીધી છે.તેણે ઈન્દોરમાં પોતાના ઘરમાં ગળેફાંસો ખાઈને આત્મહત્યા કરી લીધી. અભિનેત્રીએ એક સુસાઈડ નોટ પણ છોડી છે. વૈશાલીએ 'યે રિશ્તા ક્યા કહેલાતા હૈ', 'સસુરાલ સિમર કા' સહિત ઘણા લોકપ્રિય ટીવી શોમાં કામ કર્યું હતું.

વૈશાલી ઠક્કર છેલ્લા એક વર્ષથી ઈન્દોરમાં રહેતી હતી. અભિનેત્રીના આત્મહત્યાની માહિતી મળતાની સાથે જ પોલીસ ઘટનાસ્થળે પહોંચી ગઈ હતી અને અભિનેત્રીનો મૃતદેહ કબજે કર્યો હતો. પોલીસને વૈશાલીના મૃતદેહ પાસે એક સુસાઈડ નોટ પણ મળી છે. તેજાજી નગર પોલીસ સ્ટેશન કેસની તપાસમાં લાગેલ છે. પોલીસ અભિનેત્રીની આત્મહત્યા પાછળનું કારણ શોધી રહી છે. કહેવામાં આવી રહ્યું છે કે પોલીસને ઘટનાસ્થળેથી એક સુસાઈડ નોટ પણ મળી આવી છે. સુસાઈડ નોટમાં અભિનેત્રીની આત્મહત્યા અંગેની માહિતી મળવાની આશા છે.

વૈશાલી ઠક્કરના મૃત્યુના સમાચારે સૌને ચોંકાવી દીધા છે. વૈશાલીની આત્મહત્યાના સમાચાર સામે આવ્યા બાદ અભિનેત્રીના તમામ ચાહકો અને મિત્રો આઘાતમાં છે. કોઈ માની ન શકે કે વૈશાલી હવે આપણી વચ્ચે નથી.