ગુજરાતમાં મહા મહિને જ ઠંડીમાં જોરદાર ઘટાડો જોવા મળ્યો છે. અમદાવાદ જેવા મહાનગરોની સરખામણીમાં રાજ્યના અન્ય વિસ્તારોમાં થોડા અંશે ઠંડી જોવા મળી રહી છે. જો કે માત્ર વહેલી સવારે જ ઠંડીનો અનુભવ થઇ રહ્યો છે, જ્યારે બપોરના સમયે જાણે ઉનાળાની શરૂઆત થઈ ગઈ હોય તેવી ગરમી અનુભવાઇ રહી છે.
છેલ્લા 24 કલાક દરમિયાન રાજ્યમાં નોંધાયેલા તાપમાનની વાત કરવામાં આવે તો અમદાવાદમાં 19 ડિગ્રી સેલ્સિયસ, અમરેલીમાં 15.6 ડિગ્રી સેલ્સિયસ, વડોદરામાં 15.6 17.2 ડિગ્રી સેલ્સિયસ, ગાંધીનગરમાં 18.8 ડિગ્રી સેલ્સિયસ, નલિયામાં 13.2 ડિગ્રી સેલ્સિયસ, રાજકોટમાં 17.2 ડિગ્રી સેલ્સિયસ અને સુરતમાં ડિગ્રી સેલ્સિયસ 18.8 ડિગ્રી સેલ્સિયસ તાપમાન નોંધાયું હતું. જો કે આ સાથે જ રાજ્યના મોટા ભાગના સ્થળોએ મહત્તમ તાપમાનનો પારો 30 ડિગ્રીને વટાવી ગયો હતો.
