ચહેરા પર સ્ટીમ લેવાથી શું બ્લેકહેડ્સ દૂર થાય છે? ઘરે આ રીતે સાફ કરી શકો છો બ્લેકહેડ્સ અને વ્હાઇટહેડ્સ

બ્લેકહેડ્સ ત્યારે થાય છે જે આપણાં ચહેરાના છિદ્રોમાં તેલની ગંદકી જમા થાય છે. આ તેલ અને ગંદકી ચહેરા પર કાળા ડાઘના સ્વરૂપમાં જોવા મળે છે. બ્લેકહેડ્સના કારણે ચહેરો ખૂબ જ ખરાબ દેખાવા લાગે છે. નિયમિત રીતે ચહેરાને સાફ કરવાથી બ્લેકહેડ્સથી બચી શકી છે. 

લોકો ચહેરા પર બ્લેકહેડસને દૂર કરવા માટે ઘણી બધી યુક્તિઓ અજમાવતા હોય છે. જેમની એક છે ચહેરા પર સ્ટીમ. જયારે બ્લેકહેડસ હોય ત્યારે ચહેરા પર સ્ટીમ લેવાની ભલામણ કરવામાં આવે છે. વાસ્તવમાં પાણીની વરાળ ત્વચાના છિદ્રોને ખોલે છે. પરંતુ શું તે ખરેખર તમારા ચહેરા પરથી બ્લેકહેડ્સ દૂર કરશે.

શું સ્ટીમ લેવાથી બ્લેકહેડ્સ દૂર થાય છે?

જો એવું કહેવામાં આવે છે કે સ્ટીમ લેવાથી બ્લેકહેડ્સ અથવા વ્હાઇટહેડ્સ દૂર થાય છે, તો તે સંપૂર્ણ રીતે સાચું નથી. જ્યારે તમે ચહેરા પર સ્ટીમ લો છો, ત્યારે તે ત્વચાના છિદ્રો ખોલે છે, રક્ત પરિભ્રમણને સુધારે છે અને ત્વચાને હાઇડ્રેટ કરે છે. આ પછી બ્લેકહેડ્સ દૂર કરવા માટે ત્વચાની સફાઈ કરવી જોઈએ. ભીની ત્વચામાંથી બ્લેકહેડ્સ અને વ્હાઇટહેડ્સ સરળતાથી દૂર કરી શકાય છે.

ઘરે બ્લેકહેડ્સ કેવી રીતે સાફ કરવા

• ત્વચાના પ્રકાર પ્રમાણે સૌપ્રથમ ફેસવોશ લઈને ચહેરો સાફ કરો.
• જે જગ્યાએ બ્લેક કે વ્હાઇટ હેડ્સ હોય ત્યાં સર્કુલર મોશનમાં સ્ક્રબથી મસાજ કરો.
• સ્ક્રબ કરેલા ચહેરા પર સ્ટીમ લો અને પછી હળવા હાથથી મસાજ કરો.
• બ્લેકહેડ્સને સાફ કર્યા પછી ચહેરા પર માસ્ક લગાવો.
• 10-15 મિનિટ પછી માસ્કને દૂર કરો અને સારું મોઇશ્ચરાઇઝર લગાવો.

આ વસ્તુઓની સંભાળ રાખો

• બ્લેકહેડ્સને એક જ વારમાં સાફ કરવાનો પ્રયાસ ન કરો, નહીં તો ચહેરા પર ફોલ્લીઓ થઈ શકે છે.
•  બ્લેકહેડ્સને દૂર કરવા માટે કોઈપણ સાધનનો ઉપયોગ ખૂબ કાળજીપૂર્વક કરવો જોઈએ.
• બ્લેકહેડ્સ દૂર કરવા માટે સ્ક્રબને ખૂબ ઝડપથી ઘસશો નહીં.