જો તમને પણ ઉનાળામાં કમ્ફર્ટ કપડા સાથે સ્ટાઈલ જોઈતી હોય તો આ પ્રકારના ડ્રેસ પહેરો .

ઉનાળાની કાળઝાળ ગરમીની શરૂઆત થઈ ગઈ છે અને હજુ પણ વધારે ગરમી પડશે, ત્યારે સ્વાસ્થયની સાથે સાથે ત્વચાનું પણ એટલું જ ધ્યાન રાખવું પડે છે, ઉનાળામાં ખૂબ જ ચુસ્ત કપડા પહેરવાથી બળતરા, ખંજવાળ અને ફોલ્લીઓ થઈ શકે છે. આથી આ સિઝનમાં કપડાંના ફેબ્રિક અને સ્ટાઈલ પર ધ્યાન આપવું ખૂબ જ જરૂરી છે, પરંતુ ક્યારેક આ બાબતમાં સ્ટાઈલ સાથે સમાધાન કરવું પડે છે. જો તમને પણ આવું લાગતું હોય તો આજે અમે તમને એવા વિકલ્પો જણાવીશું જે ઉનાળા માટે શ્રેષ્ઠ છે. તમારા કપડામાં વિવિધ પ્રકારના મેક્સી ડ્રેસનો સમાવેશ કરો. વિવિધ શૈલીઓ અને કાપડમાં ઉપલબ્ધ, તમે લગભગ દરેક પ્રસંગ માટે મેક્સી ડ્રેસ પહેરી શકો છો.

સ્લિટ મેક્સી ડ્રેસ :-

મિત્રો સાથે ફરવા અથવા ક્યાક પ્રસંગોમાં સ્લિટ મેક્સી ડ્રેસ ખૂબ જ સારો વિકલ્પ છે. તે એકદમ સ્ટાઇલિશ લાગે છે. હીલ્સ, ફ્લેટ અને તમામ પ્રકારના ફૂટવેર આ સાથે સારા લાગશે. તમે એક્સેસરીઝ સાથે પણ પ્રયોગ કરી શકો છો.

બેકલેસ મેક્સી ડ્રેસ :-

મેક્સી ડ્રેસ પાર્ટીઓ માટે યોગ્ય પસંદગી છે. જો પાર્ટીનો પ્રસંગ હોય, તો અહીં બેકલેસ વિકલ્પ પસંદ કરો. લોંગ બેક મેક્સી ડ્રેસ તમને બોલ્ડ અને સુંદર દેખાવ આપશે. આવા મેક્સી ડ્રેસમાં બધાનું ધ્યાન ખેંચવા માટે તમારી પીઠને ચોક્કસથી સાફ રાખવી જરૂરી છે.

કોલર નેક મેક્સી ડ્રેસ :-

કમ્ફર્ટેબલ રહેવા માટે તમે આ પ્રકારના મેક્સી ડ્રેસને ઓફિસ કે ફોર્મલ પ્રસંગે પહેરી શકો છો. તમારે ઓફિસમાં વધુ પડતી ત્વચા દેખાતા કપડાં પહેરવાનું ટાળવું જોઈએ. ઘણી વખત, જો તમે તેમાં આરામદાયક હોવ તો પણ, પરિસ્થિતિ સામેની વ્યક્તિ માટે બેડોળ બની જાય છે, તો તે સંદર્ભમાં આ વિકલ્પ યોગ્ય છે. કોલર નેક મેક્સી ડ્રેસ સાથે હીલ્સ સારી લાગે છે.

ઓફ શોલ્ડર મેક્સી ડ્રેસ :-

ઓફ શોલ્ડર મેક્સી ડ્રેસ પણ ઉનાળામાં પહેરવા માટે એકદમ આરામદાયક છે. તમે આ સ્ટાઇલનો મેક્સી ડ્રેસ ડે આઉટિંગથી લઈને પાર્ટીઓમાં ગમે ત્યાં પહેરી શકો છો. પાર્ટીમાં કે રાત્રીભોજન માટે ક્યાય જવું તો ધ્યાન રાખો કે વધારે એક્સેસરીઝ ન રાખો. આ ડ્રેસ સાથે એક સરળ સાંકળ અથવા એયરિંગ્સ પૂરતી છે.