જો તમે ગ્લોઇંગ સ્કિન મેળવવા ઈચ્છો છો, તો ઘરે જ બનાવો આ સરળ ફેસ પેક

શરીરને સ્વસ્થ રાખવા માટે તાજા ફળો,શાકભાજી અને સૂકા ફળો ખાવામાં આવે છે, તેમાય પપૈયાની ગણતરી ખૂબ જ હેલ્ધી ફળોની યાદીમાં થાય છે. તેમાં ફાઈબર, વિટામિન બી અને ઘણા પોષક તત્વો હોય છે. પપૈયાનું સેવન આપણા સ્વાસ્થ્ય માટે ઘણું સારું છે. જો ત્વચાની વાત કરીએ તો પપૈયા પણ ત્વચા પર ખૂબ જ સારું કામ કરે છે. તેમાં હાજર એન્ટીઓક્સીડેન્ટ ત્વચાને યુવાન રાખવાની સાથે જ તેને ગ્લો પણ આપે છે.

પપૈયું ખાવા સિવાય તમે તેને ચહેરા પર પણ લગાવી શકો છો. આ હોમમેઇડ ફેસ પેક તમારી ત્વચાને ચમક આપવાનું કામ કરશે. તેને ત્વચા પર લગાવવાથી મૃત કોષોને દૂર કરવામાં, ભરાયેલા છિદ્રો ખોલવામાં અને ખીલને રોકવામાં મદદ મળે છે. તો ચાલો જાણીએ કેટલાક ઘરે બનાવેલા પપૈયા ફેસ પેક વિશે.

આ પેક બનાવવા માટે, પપૈયાની છાલને બ્લેન્ડ કરો અને તેમાં એક ચમચી ક્રીમ ઉમેરો. તેને ત્વચા પર લગાવો અને ઓછામાં ઓછા 15 થી 20 મિનિટ સુધી રહેવા દો. સુકાઈ ગયા બાદ હૂંફાળા પાણીથી ચહેરો ધોઈ લો. તે ત્વચાને હાઇડ્રેટ રાખે છે.

પપૈયા અને હળદરનો ફેસ પેક :-

પપૈયા અને હળદરના આ પેકને તમે ચહેરા પર લગાવી શકો છો. આ માટે પપૈયાને મેશ કરો અને તેમાં બે ચપટી હળદર ઉમેરીને પેસ્ટ બનાવો. આ પછી, તેને ઓછામાં ઓછા 10 મિનિટ માટે ચહેરા પર લગાવો. સુકાઈ ગયા બાદ ચહેરાને ઠંડા પાણીથી ધોઈ લો. આ પેકને સતત લગાવવાથી તમારી ત્વચામાં બદલાવ જલ્દી જ દેખાશે.

પપૈયા અને ચંદનનો ફેસ પેક :-

પપૈયા સાથે ચંદન અને લીંબુ એક સરસ ફેસ પેક બનાવે છે. આ માટે એક પપૈયાને નાના-નાના ટુકડા કરી લો અને તેને મેશ કરો અને તેમાં મધ, લીંબુનો રસ અને ચંદનનો પાઉડર નાખીને ઘટ્ટ પેસ્ટ બનાવો. ધ્યાન રાખો કે આ પેસ્ટમાં ચંદન પાવડરનો ગઠ્ઠો ન હોવો જોઈએ. આ ફેસ પેકને તમારા ચહેરા અને ગરદન પર લગાવો. આ પેકને ચહેરા પર ઓછામાં ઓછા 15 મિનિટ સુધી રાખો. આ પછી ઠંડા પાણીથી ધોઈ લો.

કાકડી, કેળા અને પપૈયાનો ફેસ પેક :-

કાકડી આપણી ત્વચાને હાઇડ્રેટ રાખે છે. કેળા ત્વચાને મોઈશ્ચરાઈઝ રાખવાનું પણ કામ કરે છે. કાકડીને નાની સ્લાઈસમાં કાપીને પપૈયા અને કેળા સાથે મિક્સરમાં પીસીને પેસ્ટ તૈયાર કરો. આ પેસ્ટને તમારા ચહેરા અને ગરદન પર લગાવો. તેને લગભગ 15 મિનિટ માટે રહેવા દો, તે પછી તેને ગરમ પાણીથી ધોઈ લો અને પછી ઠંડા પાણીથી ચહેરો ધોવાનું ભૂલશો નહીં.