અંકલેશ્વર: બસ ડેપોમાં પડી ગયેલ મુસાફરના પર્સને પોલીસ જવાને પરત કરી પ્રામાણિકતાનું દ્રષ્ટાંત પુરું પાડ્યુ

અંકલેશ્વર જી.આઈ.ડી.સી.બસ ડેપોમાં મુસાફરનું રૂપિયા સહિતની વસ્તુ ભરેલ પર્સ પરત કરી પોલીસ જવાને પ્રમાણિકતા બતાવી હતી

અંકલેશ્વરની ગાર્ડન સિટીમાં રહેતા શુશીલ ભાસ્કર સોનીના માતા વિમલાબેન સોની આજરોજ સવારે અંકલેશ્વર જી.આઈ.ડી.સી.બસ ડેપોમાંથી બસમાં બેસી ધુલિયા ખાતે જવા નીકળ્યા હતા.તે દરમિયાન વૃધ્ધાનું રૂપિયા અને અન્ય વસ્તુ ભરેલ પર્સ પડી ગયું હતું જે અંગે બસના કંડક્ટરે મહિલાની પરિવારજનોને જાણ કરી હતી જે બાદ આ પર્સ અંકલેશ્વર વાલિયા ચોકડી પાસે ફરજ બજાવતા પોલીસ જવાન નવનીત વસાવાને રૂપિયા અને અન્ય વસ્તુ ભરેલ પર્સ મળ્યું હતું.પોલીસ જવાને ભારે જહેમત ઉઠાવી શુશીલ સોનીનો સંપર્ક કરી તેઓને વાલિયા ચોકડી પાસે બોલાવી ખરાઈ કર્યા બાદ પર્સ સુપ્રત કર્યું હતું.પોલીસ જવાનની પ્રમાણિક્તા જોઈ વૃધ્ધાના દીકરાએ પોલીસ જવાનનો આભાર વ્યક્ત કર્યો હતો.