GSEB SSC Result 2026: ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા ધોરણ 10 અને સંસ્કૃત પ્રથમાની પરીક્ષા આપનારા લાખો વિદ્યાર્થીઓ માટે સૌથી મોટા સમાચાર સામે આવ્યા છે. ફેબ્રુઆરી-માર્ચ 2026 માં લેવાયેલી આ પરીક્ષાનું પરિણામ આવતીકાલે એટલે કે બુધવાર, 6 મેના રોજ સવારે 8 વાગ્યે જાહેર કરવામાં આવશે. રાજ્યના 15 લાખથી વધુ વિદ્યાર્થીઓએ આ વર્ષે બોર્ડની પરીક્ષા આપી હતી, જેઓ હવે ઓનલાઈન માધ્યમથી પોતાનું પરિણામ જોઈ શકશે.
વિદ્યાર્થીઓ અને વાલીઓ નીચે મુજબની બે સરળ રીતોથી રિઝલ્ટ જોઈ શકશે:
સત્તાવાર વેબસાઈટ: બોર્ડની ઓફિશિયલ વેબસાઈટ www.gseb.org પર જઈને પોતાનો બેઠક ક્રમાંક (Seat Number) એન્ટર કરવાથી માર્કશીટ જોઈ શકાશે.
WhatsApp સુવિધા: જો વેબસાઈટ પર લોડ વધુ હોય, તો વિદ્યાર્થીઓ પોતાના મોબાઈલથી WhatsApp નંબર 6357300971 પર માત્ર પોતાનો સીટ નંબર મોકલીને પણ તરત જ પરિણામ મેળવી શકશે.
