![કેનેડામાં હિન્દુ મંદિર પર ફરી હુમલો, ખાલિસ્તાની આતંકવાદીઓએ તોડફોડ કરી, પોસ્ટર લગાવ્યા](https://img-cdn.thepublive.com/fit-in/640x430/filters:format(webp)/connect-gujarat/media/post_banners/0d32f947580ff8b6fad47ab78f97845c1ba55d4c1a64bb4e7dadf5d7a34723c7.webp)
કેનેડામાં ફરી એકવાર હિન્દુ મંદિરને નિશાન બનાવવામાં આવ્યું છે. ખાલિસ્તાન સમર્થકો પર પણ આનો આરોપ લગાવવામાં આવી રહ્યો છે કારણ કે ભૂતકાળમાં માર્યા ગયેલા ખાલિસ્તાની આતંકવાદી હરદીપ સિંહ નિજ્જરના પોસ્ટર મંદિરના ગેટ પર ચોંટાડવામાં આવ્યા છે. ઘટના કેનેડાના બ્રિટિશ કોલંબિયા પ્રાંતની છે.
જે મંદિરને નિશાન બનાવવામાં આવ્યું છે તે સરેનું લક્ષ્મી નારાયણ મંદિર છે. તે બ્રિટિશ કોલંબિયા પ્રાંતમાં સૌથી જૂનું અને સૌથી મોટું હિન્દુ મંદિર છે. મંદિરના ગેટ પર ખાલિસ્તાન રેફરન્ડમના પોસ્ટર લગાવવામાં આવ્યા છે, જેના પર ખાલિસ્તાની આતંકવાદી હરદીપ સિંહ નિજ્જરની તસવીર પણ જોવા મળી રહી છે. પોસ્ટરમાં લખવામાં આવ્યું હતું કે 'કેનેડા 18 જૂનની હત્યાની ઘટનામાં ભારતની ભૂમિકાની તપાસ કરી રહ્યું છે'.