Connect Gujarat
ગુજરાત

પવનના સુસવાટા વચ્ચે રાજ્યભરમાં જામ્યું કાતિલ ઠંડીનું સામ્રાજ્ય, હજી 3 દિવસ પડશે ઠંડી : હવામાન વિભાગ

ઉત્તર ભારતમાં થયેલ હિમવર્ષાની અસર ગુજરાતમાં પણ વર્તાઈ રહી છે. રાજ્યમાં છેલ્લા 3 દિવસથી હાડ થીજાવતી ઠંડી યથાવત્ રહી છે.

X

નવા વર્ષથી રાજ્યમાં ઠંડીએ માહોલ જમાવ્યો છે, ત્યારે રાજ્યમાં કડકડતી ઠંડી પડી રહી છે. તેમાં પણ આજે વહેલી સવારથી જ પવનના સુસવાટા સાથે હાડ થીજાવતી ઠંડી પડતાં હજી રાજ્યમાં આગામી 3 દિવસ સુધી ઠંડીનો ચમકારો રહેશે તેવી હવામાન વિભાગે આગાહી કરી છે.

ઉત્તર ભારતમાં થયેલ હિમવર્ષાની અસર ગુજરાતમાં પણ વર્તાઈ રહી છે. રાજ્યમાં છેલ્લા 3 દિવસથી હાડ થીજાવતી ઠંડી યથાવત્ રહી છે. રાજ્યના 8 શહેરોમાં લઘુતમ તાપમાન 13 ડિગ્રીથી નીચે નોંધાયું છે, જ્યારે રાજ્યના સૌથી ઠંડુંગાર નગર નલિયામાં 8.1 ડીગ્રી રહ્યું છે. રાજ્યમાં હજુ પણ આગામી 3 દિવસ સુધી ઠંડીમાં ફેરફાર થવાની કોઈ શક્યતા નથી. વહેલી સવારથી જ સુસવાટા મારતી ઠંડી વચ્ચે હવામાન વિભાગે જાહેર કરેલા આંકડા મુજબ ઠંડીની રાજધાની નલિયા જ રહ્યું છે, જ્યારે ગાંધીનગરમાં 10.5 ડીગ્રી, ડીસામાં 10.6 ડીગ્રી, ભુજમાં 11.2 ડીગ્રી, વડોદરામાં 11.6 ડીગ્રી અમદાવાદમાં 12.1 ડીગ્રી, રાજકોટમાં 12.5 ડીગ્રી અને સુરતમાં 14.6 ડીગ્રી તાપમાન નોંધાયું છે, ત્યારે રાજ્યમાં આગામી 3 દિવસ સુધી ઠંડીનો ચમકારો યથાવત રહેશે તેવી હવામાન વિભાગે આગાહી કરી છે.

Next Story