અમરેલી: હિસ્ટ્રીશીટરને 2 પીસ્ટલ અને 5 કારતૂસ સાથે પોલીસે ઝડપી પાડ્યો,જુઓ શું હતો પ્લાન

અમરેલી પોલીસે રાજુલ તાલુકાના ઉંચેચા ગામમાં હિસ્ટ્રીશીટર ચંપુ ધાખડાને 2 પીસ્ટલ અને 5 કારતૂસ સાથે ઝડપી પાડ્યો છે. આરોપી પીસ્ટલ ક્યાંથી લાવ્યો અને તેનો ઉપયોગ શું કરવાનો હતો તે અંગે પોલીસે વધુ તપાસ હાથ ધરી છે.

અમરેલીના રાજુલા તાલુકાના ઉંચેચા ગામના હિસ્ટ્રીશીટર ચંપુ ધાખડા પાસે હથિયાર હોવાની બાતમી એસપીને મળતા એસપીએ સાવરકુંડલા ડીવાયએસપી અને તેમની ટીમને મોકલ્યા હતા. પોલીસની ટીમે ચંપુ ધાખડાને દબોચી લેતા તેના કબજામાંથી બે પીસ્ટલ અને 5 કારતૂસ મળી આવ્યા હતા.સાવરકુંડલા ડી.વાય.એસ.પી.હરેશ વોરાનો સંપર્ક કરતા કહ્યું હતું કે, પોલીસ આધિક્ષક પાસે સચોટ બાતમી હોય જેના કારણે મારા સુપરવિઝન હેઠળ ટીમ બનાવી રેડ કરવામાં આવી હતી.આરોપી હથિયાર ક્યાંથી લાવ્યો તેની તપાસ કરવામાં આવી રહી છે. જો કોઈને ધાક ધમકી આપવામાં આવી હોય તો તે લોકો નિર્ભય બની પોલીસને જાણ કરી શકે છે. આરોપી સામે આગાઉ રાજુલા પીપાવાવ પોલીસ મથકના ચોપડે પાંચ જેટલા ગંભીર ગુનાઓ નોંધાયા છે