ભરૂચ ક્રાઇમ બ્રાન્ચની ટીમને બાતમી મળી હતી કે  BPCL રીફાઇનરી કોચીન (કેરળ) ખાતેથી ટેન્કરમાં પ્રોપલીન ગેસ ભરી,દહેજ નજીક દીપક ફર્ટીલાઇઝર કંપનીમાં ખાલી કરવા જતા પહેલા રસ્તામાં કોઇક જગ્યાએ સાડા પાંચ લાખથી વધુનો ગેસનો જથ્થો સગેવગે કરનાર ડ્રાઇવર આરોપી મોહમંદ સકીલ ગુલ હસન છેલ્લા એક વર્ષથી નાસતો ફરતો છે અને હાલ તે સુરતના હજીરા ખાતે જોવામાં આવ્યો છે.આ આરોપીનું  વાગરા કોર્ટ દ્વારા ક્રીમીનલ પ્રોસીજર કોડની સલંગ્ન કલમ મુજબનુ ધરપકડ વોરન્ટ પણ ઇસ્યુ કરવામાં આવ્યું છે જેથી એલ.સી.બી.ટીમે સુરતના હજીરામાં આવેલ L&T કંપનીમાંથી આરોપી મહંમદ સકિલની ધરપકડ કરી તેને દહેજ મરીન પોલીસને હવાલે કરવામાં આવ્યો હતો.