બોટાદમાં થયેલ દુષ્કર્મની ઘટનાને લઇ ભરૂચના દેવીપૂજક સમાજમાં રોષ, કેન્ડલ માર્ચ યોજી નોંધાવ્યો વિરોધ...

બોટાદમાં થયેલ દુષ્કર્મની ઘટનાનો ઠેર ઠેર વિરોધ

ભરૂચના દેવીપૂજક સમાજ દ્વારા યોજાય કેન્ડલ માર્ચ

આરોપીને સખતમાં સખત સજા થાય તેવી માંગ કરી

બોટાદમાં વાસી ઉત્તરાયણના દિવસે પતંગ લૂંટવા ગયેલી એક ફૂલ જેવી માસૂમ બાળા ઉપર બોટાદના શિવનગરમાં રહેતા હવસખોર શખ્સે હેવાનિયતની હદ વટાવી બળાત્કાર ગુજારી નિર્દયતાપૂર્વક હત્યા કરી નાંખી હતી. માત્ર 9 વર્ષીય માસૂમ બાળાની દુષ્કર્મ બાદ હત્યાની ઘટનાને લઈ ભરૂચમાં પણ દેવીપૂજક સમાજમાં ભારે આક્રોશ જોવા મળી રહ્યો છે, ત્યારે આ ધૃણાસ્પદ ઘટનાના વિરોધમાં દેવીપૂજક સમાજે ભરૂચ શહેરના શક્તિનાથ સર્કલથી કલેક્ટર કચેરી સુધી કેન્ડલ માર્ચ યોજી હતી, જ્યાં મૃતક બાળકીને શ્રદ્ધાંજલિ અર્પી આરોપીને સખતમાં સખત સજા થાય તેવી માંગ કરી હતી.