ભરૂચના હાંસોટના શેરા ગામ ખાતે વધુ એક મગર તળાવમાંથી ઝડપી પાડયો હતો. ગામના તળાવમાં 5 મહિનાના ટૂંકા ગાળા માં ત્રીજો મગર ઝડપાયો છે. ભરૂચના હાંસોટના શેરા ગામ ખાતે પુનઃ એકવાર મગર નજરે પડતા લોકોમાં ભયનો માહોલ જોવા મળ્યો હતો. ગામમાં વારંવાર મગર નજરે પડતા લોક તળાવ નજીક જવા ડરી રહ્યા હતા.

આ અંગે ગ્રામજનોએ વન વિભાગમાં જાણ કરતા વન અધિકારીઓ અને જીવદયા પ્રેમીઓ મગરને પકડવા માટે પહોંચ્યા હતા અને તળાવ કિનારેથી મગરને ભારે જહેમતે ઝડપી પાડ્યો હતો. અત્રે ઉલ્લેખનીય છે કે ગત ફેબ્રુઆરી મહિનામાં જૂન મહિનામાં અને હવે જુલાઈ મહિનામાં મગર ગામના તળાવમાં જોવા મળ્યો હતો.અત્યાર સુધી 3 મગરનુ રેસ્ક્યુ કરીને સલામત સ્થળ પર લઈ જવામાં આવ્યા છે.