અરવલ્લી: શિવરાજપૂરા કંપા ગામના 15થી વધુ ખેડૂતો હળદર-ખીરા કાકડી તેમજ ટામેટાની ખેતી તરફ વળ્યા

મેઘરજ તાલુકાના શિવરાજપૂરા કંપા ગામના 15થી વધુ ખેડૂતો હળદર, ખીરા કાકડી તેમજ ટામેટાની ખેતી કરીને અન્ય ખેડૂતોને પ્રેરણા પૂરી પાડી રહ્યાં છે.

author-image
By Connect Gujarat in ગુજરાત સમાચાર
New Update
અરવલ્લી: શિવરાજપૂરા કંપા ગામના 15થી વધુ ખેડૂતો હળદર-ખીરા કાકડી તેમજ ટામેટાની ખેતી તરફ વળ્યા

અરવલ્લી જિલ્લાના મેઘરજ તાલુકાના શિવરાજપૂરા કંપા ગામના 15થી વધુ ખેડૂતો હળદર, ખીરા કાકડી તેમજ ટામેટાની ખેતી કરીને અન્ય ખેડૂતોને પ્રેરણા પૂરી પાડી રહ્યાં છે.

ગુજરાતમાં અન્ય રાજ્યોની તુલનામાં ખેતીક્ષેત્રે વધુ વિવિધતા છે. ખાસ કરીને બાગાયતી પાકો તથા શાકભાજી પાકોના વાવેતરમાં મોખરાનું સ્થાન ધરાવે છે. શાકભાજી પાકો પૈકી વેલાવાળા શાકભાજી પાકોનો એક મોટો વર્ગ છે. અન્ય પાકોની સરખામણીમાં વેલાવાળા શાકભાજી પાકોમાં 5 થી 8 ગણું વધું ઉત્પાદન મળે છે.ખેતી માટે પ્લાનિંગ ખૂબ જ મહત્ત્વની બાબત બની રહે છે. ત્યારે ગ્રીનહાઉસની ખેતી હેઠળ ખીરા કાકડીની ખેતીમાં ખેડૂતોએ સફળતા મેળવી છે.અરવલ્લીના મેઘરજના શિવરાજપુર કંપાના હરેશભાઇ પટેલ સહિતના ખેડૂતોએ 5 વર્ષ પહેલા સૌ પ્રથમ ગ્રીનહાઉસ બનાવીને મબલક ઉત્પાદન રહેતાં બીજા વર્ષે હાલમાં કુલ 20 એકરના ગ્રીનહાઉસમાં તેમણે ખીરા કાકડીનું વાવેતર કર્યું છે. ગ્રીનહાઉસમાં તેઓ વર્ષેમાં એક સીઝનમાં 1 એકરે 25 ટન ખીરા કાકડીનો પાક મેળવે છે. હરેશભાઇ પટેલ અને તેમના ભાઈઓ રસોઈની રાણી એવી સેલમ હળદરની ખેતી પણ કરે છે.કુદરતી એન્ટિબાયોટિક ગુણ ધરાવતી હળદરનો ઉપયોગ ભોજનમાં અચૂક થાય છે.અરવલ્લી જિલ્લાના ખેડૂતો જાતે જ આત્મનિર્ભર બનીને વધુ આવક રળી શકે ઉપરાંત ગામમાં રોજગારી પણ આપી શકે છે.રાજ્યમાં સફળ ખેડૂતનું ઉદાહરણ પૂરું પાડે છે.ગુજરાત રાજ્ય સરકાર તરફથી મળતા લાભ મેળવીને ખેડૂત સફળતા મેળવી રહ્યા છે.

#Aravalli #Turmeric #BeyondJustNews #gherkin #Connect Gujarat #Gujarat #Shivrajpura Kampa village #tomato #cultivation #15 farmers
Related Articles
Read the Next Article

વલસાડ : યુવાધનને નશાના રવાડે ચઢાવનાર લેબર કોન્ટ્રાક્ટરની પોલીસે કરી ધરપકડ, 14 કિલો ગાંજાનો જથ્થો જપ્ત

વલસાડ જિલ્લાના વાપીમાં યુવાધનને નશાના રવાડે ચઢાવનાર લેબર કોન્ટ્રાક્ટરની ડુંગરા પોલીસે 14 કિલોથી વધુ ગાંજાના જથ્થા સાથે ધરપકડ કરી કાયદેસરની કાર્યવાહી હાથ ધરી છે.

author-image
By Connect Gujarat Desk in ગુજરાત સમાચાર
New Update

  • પોલીસે કર્યો નશાના કાળા કારોબારનો પર્દાફાશ

  • વાપીમાં લેબર કોન્ટ્રાક્ટરની કરી લીધી ધરપકડ

  • યુવાઓને નશાના રવાડે ચઢાવતો લેબર કોન્ટ્રાક્ટર

  • 14 કિલોથી વધુ ગાંજાનો જથ્થો પોલીસે જપ્ત કર્યો

  • પોલીસે રૂ. 1,57,270 રૂપિયાનો મુદ્દામાલ જપ્ત કર્યો

વલસાડ જિલ્લાના વાપીમાં યુવાધનને નશાના રવાડે ચઢાવનાર લેબર કોન્ટ્રાક્ટરની ડુંગરા પોલીસે 14 કિલોથી વધુ ગાંજાના જથ્થા સાથે ધરપકડ કરી કાયદેસરની કાર્યવાહી હાથ ધરી છે.

વલસાડ જિલ્લાના વાપીમાં યુવાધનને બરબાદ કરી નશીલા પદાર્થના વેચાણનો પોલીસે પર્દાફાશ કર્યો છે. છીરી વિસ્તારના રણછોડનગર ખાતે આશા એપાર્ટમેન્ટના ફ્લેટ નં. 202માં રહી ધંધો કરતો લેબર કોન્ટ્રાક્ટરને ત્યાં પોલીસે છાપો માર્યો હતો. પોલીસે સ્થળ પરથી 14.267 કિ.ગ્રા. ગાંજાનો જથ્થો જેની કેનમત રૂ. 1,42,670 મળી આવતા આરોપી અમરેશકુમાર ગણેશપ્રસાદ સિંગની રંગે હાથે ધરપકડ કરી હતી. આરોપી લેબર કોન્ટ્રાકટર નસીલા પદાર્થની પડીકી બનાવીને તેના માણસોને આપતો હતો, અને તેઓ આ પડીકીને માર્કેટમાં વેચતા હતા. જોકે, પોલીસે ગાંજા સાથે રોકડ રૂ. 9,600 તેમજ એક મોબાઈલ ફોન કિં. રૂ. 5 હજાર મળી કુલ 1,57,270 રૂપિયાનો મુદ્દામાલ જપ્ત કર્યો હતો.

આ સાથે જ પોલીસે NDPS એક્ટ હેઠળ આરોપી વિરુદ્ધ કાર્યવાહી હાથ ધરવામાં આવી છે. અત્રે ઉલ્લેખનીય છે કે, આરોપી અમરેશકુમાર વાપીની કેટલીક કંપનીઓમાં લેબર સપ્લાય કરે છે. આ સાથે વધુ રૂપિયા કમાવવાની લાલચમાં છેલ્લા દોઢ માસથી તે ગાંજાના ધંધા સાથે સંકળાયો હોવાનું પોલીસ તપાસમાં બહાર આવ્યું છે.

#NDPS Act #CGNews #Accused arrested #Marijuana #Ganjo #Youth #Valsad #Gujarat