ભરૂચ: બકરી ઈદના પર્વને અનુલક્ષીને ફ્લેગમાર્ચ યોજાય, પોલીસકર્મીઓ જોડાયા

ભરૂચમાં બકરી ઇદના પર્વ પર શહેરમાં શાંતિ અને સલામતી જળવાઈ રહે તે માટે ભરૂચ પોલીસ દ્વારા ફ્લેગમાર્ચનું આયોજન કરવામાં આવ્યું હતું જેમાં  પોલીસ કાફલો જોડાયો હતો

17 મી જૂનના રોજ મુસ્લિમ સંપ્રદાયનો બકરી ઇદનો તહેવાર હોય ભરૂચ શહેરમાં કાયદો અને વ્યવસ્થા જળવાય રહે તેમજ ભયમુક્ત વાતાવરણમાં પર્વની ઉજવણી પાર પડે તે હેતુસર ભરૂચ એ ડીવીઝન અને બી ડીવીઝન પોલીસ મથકના વિસ્તારમાં એસ.પી. મયુર ચાવડાના માર્ગદર્શન હેઠળ ભરૂચના ડીવાયએસપી સી.કે.પટેલ અને એ ડીવીઝનના પીઆઈ વી.યુ. ગડરિયાની આગેવાનીમાં સંવેદનશીલ વિસ્તારોમાં ફ્લેગમાર્ચનું આયોજન કરાયુ હતું.જેમાં પાંચ પીએસઆઈ અને 65 પોલીસ જવાનોએ એ અને બી ડીવીઝનના વિવિધ વિસ્તારોમાં ફ્લેગમાર્ચ કરી હતી જેના કારણે શહેરીજનોએ શાંતિ અને સલામતીનો અહેસાસ કર્યો હતો