અંકલેશ્વર બી ડિવિઝન પોલીસે વાલિયા ચોકડી પાસેથી ત્રણ બેગોમાં ભરેલ વિદેશી દારૂનો જથ્થો મળી બે ઇસમોને ઝડપી પાડ્યા હતા. અંકલેશ્વર બી ડિવિઝન પોલીસ મથકનો સ્ટાફ પેટ્રોલિંગમાં હતો તે દરમિયાન બાતમી મળી હતી કે વાલિયા ચોકડીથી જી.આઈ.ડી.સી. બસ ડેપો તરફ ચાલતા ચાલતા બે ઈસમો ત્રણ બેગમાં વિદેશી દારૂનો જથ્થો લઈ જઈ રહ્યા છે.

જેવી બાતમીના આધારે પોલીસે પોલીસે વોચ ગોઠવી હતી. અને બાતમી વાળા ઇસમોને અટકાવી તેઓ પાસે રહેલ બેગમાં તપાસ કરતા તેમાંથી વિદેશી દારૂની 73 નંગ બોટલ મળી આવી હતી.પોલીસે 56 હજારનો દારૂ અને ફોન મળી કુલ 66 હજારથી વધુનો મુદ્દામાલ કબ્જે કર્યો હતો.અને મહારાષ્ટ્રના નંદુરબારના ઉમરડે ખાતે રહેતો સુરેશ મદન સોબારામ પવાર અને આયુષ રાજેશ બાબુ તિલાંગેને ઝડપી પાડ્યો હતો.જ્યારે વિદેશી દારૂનો જથ્થો આપનાર જીતુ સિંધી  અને મંગાવનાર ભરૂચના બુટલેગર રામ નામનો ઇસમને વોન્ટેડ જાહેર કર્યો હતો.