અંકલેશ્વર: NH 48 પરની હોટલ પર કન્ટેનરના 4 ટાયરની ચોરી, પોલીસે તપાસ શરૂ કરી

અંકલેશ્વર હાઇવે પર આવેલ સિલ્વર ગેટ હોટલ પાસે કન્ટેનર ચાલકે 13 પૈકી 4 ટાયરો સાથે ડિશ મળી કુલ 70 હજારના મુદ્દામાલની ચોરી કરી ફરાર થઇ ગયો હતો. મહારાષ્ટ્રના યાદવ ટ્રાન્સપોર્ટનું કન્ટેનર લઈ ચાલક ઇર્ષાદખાન વસીમખાન વડોદરાથી બેંગ્લોર ખાતે દાણા ભરી નીકળ્યો હતો.તે દરમિયાન તેણે અંકલેશ્વર હાઇવે ઉપર આવેલ સિલ્વર ગેટ હોટલ પાસે અન્ય ઈસમો સાથે મળી કન્ટેનરના 13 પૈકી ચાર ટાયર અને ડિશ મળી કુલ 70 હજારના મુદ્દામાલની ચોરી કરી કન્ટેનર વલસાડની હદમાં મૂકી ફરાર થઇ ગયો હતો.

ચોરી અંગે અંકલેશ્વર જી.આઈ.ડી.સી.પોલીસ મથકે ફરિયાદ નોંધાતા પોલીસે તપાસ શરૂ કરી હતી જેમાં કન્ટેનરમાંથી ટાયર ચોરીની ઘટના હોટલમાં લગાવાયેલ સીસીટીવી કેમેરામાં કેદ થઈ હતી. પોલીસે સીસીટીવી ફુટેજના આધારે વધુ તપાસ હાથ ધરી છે.