સીઆઇએસએફના 56માં સ્થાપના દિવસ નિમિત્તે કચ્છના લખપતથી નીકળેલી સાયકલ રેલીનું અંકલેશ્વરના આંબોલી ગામ પાસે સીઆઈએસેફ કેમ્પ ખાતે ભવ્ય સ્વાગત કરાયુ હતું.આ પ્રસંગે વહીવટી તંત્રના અધિકારીઓ ઉપસ્થિત રહ્યા હતા.

CISFના સ્થાપના દિવસ નિમિત્તે સીઆઇએસએફ દ્વારા કરછના લખપતથી સાયકલ યાત્રાનું આયોજન કરવામાં આવ્યું છે જે વિવિધ જિલ્લામાં ફરી આજરોજ અંકલેશ્વર ખાતે આવી પહોંચી હતી.અંકલેશ્વરના આંબોલી રોડ પર આવેલ સીઆઈએસેફના કેમ્પ ખાતે સાયકલ યાત્રીઓનું ભવ્ય સ્વાગત કરવામાં આવ્યું હતું.આ પ્રસંગે વિવિધ સાંસ્કૃતિક કાર્યક્રમો પણ યોજાયા હતા. સદર કાર્યક્રમમાં અધિક કલેકટર એન.આર.ધાંધલ, અંકલેશ્વરના પ્રાંતઅધિકારી ભવદીપસિંહ જાડેજા,મામલતદાર કિરણસિંહ રાજપૂત, સીઆઇએસએફ કમાન્ડર કૃતિકા નેગી, ઉપકમાન્ડર વી.એસ. પ્રતિહાર તેમજ અધિકારીઓ ઉપસ્થિત રહ્યા હતા જેઓના હસ્તે સાયકલ યાત્રીઓનું સન્માન કરવામાં આવ્યું હતું.

સુરક્ષિત તટ ,સુરક્ષિત ભારત થીમ પર સાયકલ યાત્રાનું 7 માર્ચના રોજ  ગૃહ અને સહકાર મંત્રી અમિત શાહ દ્વારા વર્ચ્યુઅલી લીલીઝંડી બતાવી પ્રસ્થાન કરાવવામાં આવ્યું હતું જેમાં એક ગ્રુપ ગુજરાતના કચ્છ લખપતથી અને બીજું ગ્રુપ પશ્ચિમ બંગાળના બખ્ખાલીથી  સીઆઇએફના 125 કર્મચારીઓ જેમાં 14 સાહસીક મહિલાઓએ ભાગ લીધો છે.