અંકલેશ્વર: ક્રાઇમ બ્રાન્ચે કુખ્યાત બુટલેગરે મંગાવેલ વિદેશી દારૂ સહિત રૂ.7 લાખનો મુદ્દામાલ કર્યો કબ્જે !

બાતમીના આધારે પોલીસે મુલદ ટોલ પ્લાઝા ખાતે વોચ ગોઠવી હતી તે દરમિયાન બાતમી વાળી કાર આવતા પોલીસે તેને અટકાવી તેમાં તપાસ કરતા તેમાંથી વિદેશી દારૂની ૫૨૭ નંગ બોટલ મળી આવી

author-image
By Connect Gujarat Desk in ભરૂચ ગુજરાત
New Update

  • ભરૂચ ક્રાઇમ બ્રાન્ચને મળી સફળતા

  • અંકલેશ્વર નજીક હાઇવે પરથી ઝડપાયો દારૂ

  • કારમાં થતી હતી દારૂની હેરાફેરી

  • કુખ્યાત બુટલેગરે મંગાવ્યો હતો દારૂ

  • રૂ.7 લાખથી વધુનો મુદ્દામાલ જપ્ત

Advertisment
ભરૂચ એલસીબીએ મુલદ ટોલ પ્લાઝા પાસેથી ભરૂચના કુખ્યાત બુટલેગરે મંગાવેલ વિદેશી દારૂ ભરેલ કાર મળી કુલ ૭.૩૨ લાખના મુદ્દામાલ કબજે કરી એક ઈસમને ઝડપી પાડ્યો હતો. ભરૂચ એલસીબીનો સ્ટાફ પેટ્રોલીંગમાં અંકલેશ્વર નેશનલ હાઇવે ઉપર હતો તે દરમિયાન બાતમી મળી હતી કે હુન્ડાઈ આઈ-૨૦ કારમાં વિદેશી દારૂનો જથ્થો ભરી સુરત તરફથી મુલદ ટોલ પ્લાઝા થઇ ભરૂચ આવનાર છે.જેવી બાતમીના આધારે પોલીસે મુલદ ટોલ પ્લાઝા ખાતે વોચ ગોઠવી હતી તે દરમિયાન બાતમી વાળી કાર આવતા પોલીસે તેને અટકાવી તેમાં તપાસ કરતા તેમાંથી વિદેશી દારૂની ૫૨૭ નંગ બોટલ મળી આવી હતી.
પોલીસે ૧ લાખનો દારૂ અને ફોન તેમજ કાર મળી કુલ ૭.૩૨ લાખના મુદ્દામાલ સાથે ભરૂચના કસક વિસ્તારના મયુરી ફળિયામાં રહેતો આરીફ એહમદ ચૌહાણને ઝડપી પાડ્યો હતો.જેની વિદેશી દારૂ અંગે પુછપરછ કરતા આ દારૂનો જથ્થો રોટરી કલબ પાછળ મારવાડી ટેકરામાં રહેતો કુખ્યાત બુટલેગર હનીફ ઉર્ફે અન્નુ ઇમરાનશા દિવાન,નવાબ ઉર્ફે નબ્બુ ઇમરાનશા દિવાન તેમજ તેઓની માતા મહેરુનિશા દિવાન મંગાવેલ હોવા સાથે આ જથ્થો ઓલપાડના દિવ્યેશ હરેશ કાલરિયાએ કોસંબા નજીકના એક ખેતરમાં ભરી આપ્યો હતો.
અને બુટલેગર નવાબ દિવાન સ્કોર્પિયો ગાડી લઇ તેના સાથે પાયલોટીંગ કરતા આવ્યો હોવા સાથે તેને મુલદ ટોલ નાકા તરફથી ભરૂચ આવવાનું જણાવ્યું હતું.પોલીસે સગા ભાઈ એવા કુખ્યાત બુટલેગરો સહીત તેઓની માતા તેમજ ઓલપાડના દિવ્યેશ કાલરીયાને વોન્ટેડ જાહેર કરી વધુ તપાસ હાથ ધરી છે.
#Bharuch Police #Crime branch #Ankleshwar Foreign Liqour #Ankleshwar Crime Branch #Foreign Liqour #foreign liquor case #બુટલેગર #વિદેશી દારૂ
Related Articles
Read the Next Article

ભરૂચ: જંબુસરના MLA ડી.કે.સ્વામી અંગે કોંગ્રેસના આગેવાનની વિવાદિત ટિપ્પણી, કહ્યું બાવાને......!

પૂર્વ ધારાસભ્ય સંજયસિંહ સોલંકીની અધ્યક્ષતામાં યોજાયેલ સભામાં પાદરા તાલુકા પંચાયતના પૂર્વ પ્રમુખ ગિરવંતસિંહે જંબુસરના ધારાસભ્ય ડી. કે. સ્વામી અંગે વિવાદિત ટિપ્પણી કરી હતી.

author-image
By Connect Gujarat Desk in ભરૂચ સમાચાર
New Update
vlcsnap-2025-08-21-14h04m13s681

ભરૂચના જંબુસર તાલુકાના કહાનવા ગામે કોંગ્રેસની સભાનું આયોજન કરવામાં આવ્યું હતું.

પૂર્વ ધારાસભ્ય સંજયસિંહ સોલંકીની અધ્યક્ષતામાં યોજાયેલ સભામાં પાદરા તાલુકા પંચાયતના પૂર્વ પ્રમુખ ગિરવંતસિંહે જંબુસરના ધારાસભ્ય ડી. કે. સ્વામી અંગે વિવાદિત ટિપ્પણી કરી હતી. તેઓએ જણાવ્યું હતું કે મોંઘવારીની તેઓને ક્યાંથી ખબર પડે તેઓને પત્ની અને છોકરાઓ નથી માટે તેમને ઘરની જવાબદારી નો ખ્યાલ નહીં આવે. ધારાસભ્ય અને સ્વામિનારાયણ સંપ્રદાયના સંત દેવકિશોર સ્વામી અંગે ટિપ્પણી કરાતા વિવાદનો મધપુડો છંછેડાયો છે. આ અંગેનો વિડીયો પણ સોશિયલ મીડિયામાં વાયરલ થઈ રહ્યો છે.

#Bharuch #CGNews #Jambusar #Statement #Congress leader #MLA DK Swami