અંકલેશ્વર: ગરબા ઇવેન્ટ્સના જુના પાસ પર CARRYMINATIનો ફોટો અને નામ લખી છેતરપિંડીનો પ્રયાસ

અંકલેશ્વરમાં અગાઉ યોજાયેલ મ્યુઝિક ઇવેન્ટના પાસ પર તારીખ અને સેલિબ્રિટીનું નામ બદલી સોશ્યલ મીડિયા પર અપલોડ કરી છેતરપીંડી કરનાર ઇસમ વિરુદ્ધ ગ્રામ્ય પોલીસમાં અરજી આપવામાં આવી છે

સુરતના માંગરોળ તાલુકાના વાંકલ ગામના મંદિર ફળિયામાં રહેતા અને શ્વેતા ઈવેન્ટ્સ મેનેજમેન્ટના પ્રોપરાઈટર સંકેતકુમાર કિરીટ પટેલ દ્વારા ગત તારીખ-૧૯મી ઓક્ટોબરના રોજ ગાર્ડન સીટી ખાતે ટ્રેડીશનલ ગરબા નાઈટ વિથ કોયલડી નામથી કાર્યક્રમનું આયોજન કરવામાં આવ્યું હતું.જે કાર્યક્રમના પાસ વહેંચવામાં આવ્યા હતા જે પાસને ખુશ પાદરીયા નામના ઇસમેં મોડીફાઈડ કરી તારીખમાં બદલાવ કરી સેલીબ્રીટી કેરીમીનાટીના ફોટો અને નામનો ઉપયોગ કરી તે પાસનો ફોટો સોશ્યલ મીડિયા પર વાયરલ કર્યો હતો જે વાયરલ મેસેજ શ્વેતા ઈવેન્ટ્સ મેનેજમેન્ટના પ્રોપરાઈટરના ધ્યાન પર આવતા તેઓએ આ અંગે અંકલેશ્વર તાલુકા પોલીસ મથક ખાતે ખુશ પાદરીયા નામના ઇસમ વિરુદ્ધ છેતરપીંડી અને વિશ્વાસઘાત અંગેની અરજી આપી તેના વિરુદ્ધ એફ.આઈ.આર નોંધી તપાસ કરવા માંગ કરી છે.આ મામલે ગ્રામ્ય પોલીસ દ્વારા વધુ તપાસ શરૂ કરવામાં આવી છે