અંકલેશ્વર: GIDC પોલીસે સિક્યુરિટી ગાર્ડની રૂમમાં ચાલતા જુગારધામ પર પાડ્યા દરોડા, 8 જુગારીની ધરપકડ

અંકલેશ્વર જી.આઇ.ડી.સી પોલીસે સેન્ટર પોઇન્ટ કો-ઓપરેટિવ હાઉસિંગ સોસાયટી  સિક્યુરિટી ગાર્ડની રૂમમાંથી જુગાર રમતા આઠ જુગારીયાઓને ઝડપી પાડ્યા હતા.

અંકલેશ્વર જી.આઈ.ડી.સીના પી.આઈ. આર.એચ.વાળાના માર્ગદર્શન હેઠળ પી.એસ.આઈ.એ.વી.શિયાળીયા સહિતનો  સ્ટાફ પેટ્રોલિંગમાં હતો તે દરમિયાન બાતમી મળી હતી કે સેન્ટર પોઇન્ટ કો-ઓપરેટિવ હાઉસિંગ સોસાયટીના સિક્યુરિટી ગાર્ડની રૂમમાં કેટલાક ઇસમો જુગાર રમી રહ્યા છે. જેવી બાતમીના આધારે પોલીસે દરોડા પાડ્યા હતા.પોલીસે સ્થળ પરથી રોકડા 31 હજારથી વધુનો મુદ્દામાલ કબ્જે કર્યો હતો અને જુગારી કાપોદ્રા ગામની રમણીય રેસિડેન્સીની વોચમેનના રૂમમાં રહેતો જનકબહાદુર લાલબહાદુર બિસ્ટ, અકકલબહાદુર જવાનસીંગ બિસ્ટ,પુરન  કૌસે સુનાર,કમલ બહાદુર દેવ જાતે કડાયત અને સંતોષ બહાદુર કરન બહાદુર ચંદ,કમલ નંદસીંગ ભાટ તેમજ ધનબહાદુર નરબહાદુર ક્ષેત્રિય,શેરબહાદુર ભવનસીંગ બિસ્ટને ઝડપી પાડ્યો હતો.