અંકલેશ્વર : બાળકોના ઘડતર અંગે લાયન્સ ક્લબ દ્વારા પ્રિયદર્શિની શાળા ખાતે શિક્ષકો માટે 2 દિવસીય તાલીમ શિબિર યોજાય…

ભરૂચ જિલ્લા લાયન્સ કલબ ઓફ પાનોલી ઈન્ડસ્ટ્રીયલ એરિયા અને લાયન્સ કલબ ઓફ અંકલેશ્વર સીટીના સંયુક્ત ઉપક્રમે અંકલેશ્વરની પ્રિયદર્શિની શાળામાં 2 દિવસીય તાલીમ શિબિરનું આયોજન કરવામાં આવ્યું હતું. 

લાયન્સ ક્લબ ઓફ પાનોલી ઇન્ડસ્ટ્રીયલ એરિયા અને લાયન્સ કલબ ઓફ અંકલેશ્વર સીટીના સંયુક્ત ઉપામે અંકલેશ્વરની પ્રિયદર્શિની શાળામાં 2 દિવસ સુધી તાલીમ શિબિરનું આયોજન કરવામાં આવ્યું હતું. આ શિબિરમાં શાળાના 25 શિક્ષકોએ તાલીમનો લાભ લીધો હતો. જેમાં બાળકોના ઘડતર અને આપણી સંસ્કૃતિને ઉજાગર કરવી તથા માતા-પિતાના બાળક પ્રત્યેના અને શિક્ષકોના બાળકો સાથેના કેવા વ્યવહાર રાખવા જોઈએ તે બાબતે સઘન ચર્ચાની તાલીમ ઇન્ટરનેશનલ ટ્રેનર રેખા શાહ દ્વારા આપવામાં આવી હતી.

 તાલીમ દરમિયાન શાળાના બાળકો, વાલી અને શિક્ષકો માટે પુસ્તકો પણ લાયન્સ કલબના Lead Donor of Quest: લાયન જપન વેલાનીના સહયોગથી વિનામુલ્યે આપવામાં આવ્યા હતા. આ સાથે વર્કશોપમાં તાલીમ પામેલ શિક્ષકોને ભેટ અને પ્રમાણપત્ર આપવામાં આવ્યા હતા.

આ પ્રસંગે લાયન્સ ડિસ્ટ્રિક્ટ ગવર્નર પરેશ પટેલ, મુખ્ય મહેમાન તરીકે લાયન્સ ક્વેસ્ટ ઇન ઈન્ડિયાના MD મિલન દલાલ, હેમલ પટેલ, પિયુષ પટેલ, શૈલેષ પટેલ, જપન વેલાની, ઉમેશ પારેખ, ચાર્મી પટેલ, રૂપલ જોશી, ધર્માંગ બલ્ધા, પન્ના પટેલ સહિત મોટી સંખ્યામાં લાયન્સ કલબના સભ્યો ઉપસ્થિત રહ્યા હતા.