અંકલેશ્વર: બારડોલીથી નિકળેલ સરદાર સન્માન યાત્રાનું કરાયુ સ્વાગત, 18 જિલ્લામાં ફરી સોમનાથ ખાતે થશે સમાપન

• અંકલેશ્વરમાં કરવામાં આવ્યું સ્વાગત

• સરદાર સન્માન યાત્રાનું સ્વાગત કરાયુ

• બારડોલીથી યાત્રાનો કરાયો છે પ્રારંભ

• સરદાર જયંતીના ઉપલક્ષમાં નિકળી યાત્રા 

સરદાર વલ્લભભાઈ પટેલની કર્મભૂમિ બારડોલીથી તેમની 150મી જન્મજયંતીની પૂર્વે સરદાર સન્માન યાત્રા-2025નો પ્રારંભ થયો છે.  11 સપ્ટેમ્બરે બારડોલીના ઐતિહાસિક સ્વરાજ આશ્રમ ખાતેથી 50 ગાડીના કાફલા સાથે આ યાત્રાને લીલી ઝંડી આપીને પ્રસ્થાન કરાવવામાં આવ્યું.આ યાત્રા આગામી 12 દિવસમાં ગુજરાતના 18 જિલ્લા, 62 તાલુકા અને 355 ગામને આવરી લઈને 22 સપ્ટેમ્બરના રોજ પવિત્ર સોમનાથ ધામ ખાતે સમાપ્ત થશે.

આ યાત્રા અંકલેશ્વર ખાતે આવી પહોંચતા ભવ્ય સ્વાગત કરવામાં આવ્યું હતું.આ પ્રસંગે હિંમત શેલડીયા,ભરતભાઈ પટેલ, પંકજ ભુવા સહિત મોટી સંખ્યામાં સમાજના આગેવાનો જોડાયા હતા.