અંકલેશ્વર: GIDCમાં ચાની કીટલી ચલાવનાર પિતાની દીકરીએ ધો.10બોર્ડમાં A-1ગ્રેડ હાંસલ કર્યો !

અંકલેશ્વર જીઆઇડીસી સ્થિત તક્ષશિલા વિદ્યાલયમાં અભ્યાસ કરતી અને  સામાન્ય ચા કિટલી ચલવનારના દીકરીએ ધોરણ 10 બોર્ડની પરીક્ષામાં  શાળામાં પ્રથમ સ્થાન પ્રાપ્ત કરી પરિવાર અને શાળાનું નામ રોશન કર્યું છે.

અંકલેશ્વર જીઆઇડીસી સ્થિત તક્ષશિલા વિદ્યાલયમાં ધોરણ 10માં અભ્યાસ કરતી જયશ્રી દિનેશભાઈ રાજપુરોહિત શાળામાં પ્રથમ ક્રમાંક આવતા શાળામાં  ઉત્સાહ જોવા મળ્યો હતો.અંકલેશ્વરના દિનેશભાઈ રાજપુરોહિત  ઋષિ કોમ્પલેક્ષ ખાતે સામાન્ય ચા ની કીટલી ચલાવી ચાર  દીકરીઓનું ભરણપોષણ કરતા આવ્યા છે.મોટી દીકરી પણ બે દિવસ અગાઉ બારમા ધોરણમાં સારા એવા ટકાએ પાસ થઈ હતી. નાની દીકરી જયશ્રી એવન ગ્રેડમાં પાસ થઈ છે.માતા કવિતાબેન ઘરનું કામ કરે છે પિતા સવારે 4:00 વાગે ઉઠી ચા ની કીટલી ચલાવી ખૂબ મહેનત કરી પોતાના પરિવારનું ભરણપોષણ કરી રહ્યા છે.એસએસસી બોર્ડમાં પાસ થનાર જયશ્રી દેશની સેવા માટે આગળ વધવાનું સપનું જોઈ રહી છે.