ભરૂચ : CET-2025 પરીક્ષાની મેરીટ યાદીમાં આવનાર 125 વિદ્યાર્થીઓને ઈનામ આપી સન્માન કરાયું...

• વેલ્ફેર હોસ્પીટલ ખાતે યોજાયો સન્માન-ઈનામ વિતરણ સમારોહ

• WBVF શિક્ષણ સમિતિ સંચાલિત પ્રોજેક્ટ અંતર્ગત કાર્યક્રમ યોજાયો

• CET -2025 પરીક્ષામાં મેરીટ યાદીમાં આવનાર વિદ્યાર્થીઓનું સન્માન

• 156 શાળાઓના 125 જેટલા વિદ્યાર્થીઓને ઈનામ વિતરણ કરાયું

• કાર્યક્રમમાં મોટી સંખ્યામાં વિદ્યાર્થીઓ અને વાલીઓ ઉપસ્થિત રહ્યા 

Advertisment

ભરૂચ શહેરના પશ્વિમ વિસ્તાર સ્થિત વેલ્ફેર હોસ્પીટલ ખાતે WBVF શિક્ષણ સમિતિ સંચાલિત “મિશન બુનિયાદ” પ્રોજેક્ટ અંતર્ગત CET -2025 પરીક્ષામાં મેરીટ યાદીમાં આવનાર વિદ્યાર્થીઓના સન્માન અને ઈનામ વિતરણ સમારોહનું આયોજન કરવામાં આવ્યું હતું.

ભરૂચ શહેરના પશ્વિમ વિસ્તારમાં આવેલ વેલ્ફેર હોસ્પીટલ ખાતે WBVF શિક્ષણ સમિતિ સંચાલિત “મિશન બુનિયાદ” પ્રોજેક્ટ અંતર્ગત CET -2025 પરીક્ષામાં મેરીટ યાદીમાં આવનાર ભરૂચ જીલ્લાના ધોરણ-5ના લગભગ 6 બ્લોકના 108 ગામોની 156 શાળાઓના 125 જેટલા વિદ્યાર્થીઓનો સન્માન અને ઈનામ વિતરણ સમારોહ યોજવામાં આવ્યો હતો. પરંપરા મુજબ કાર્યક્રમની શરૂઆત તિલાવતે કુર્આનથી કરવામાં આવી હતી.

આ કાર્યક્રમમાં ઉપસ્થિત મહેમાનોનું શાબ્દિક સ્વાગત “મિશન બુનિયાદના” હેડ યાકુબ સાહેબ ઉઘરાદારએ કર્યુ હતું. ત્યારબાદ બાદ મહેમાનોનું પુષ્પગુચ્છ અર્પણ કરી સ્વાગત કરવામાં આવ્યુ હતું. મિશન બુનિયાદએ અત્યાર સુધી શું કામગીરી કરી, કેટલી પરીક્ષાઓ લીધી અને મિશન બુનિયાદ કાર્યક્ષેત્ર હેઠળની શાળાના કેટલા વિદ્યાથીઓ મેરીટ યાદીમાં આવ્યા તેની વિસ્તૃત સમજ આપીવામાં આવી હતી.

મિશન બુનિયાદના સભ્ય ફરીદાબેન કડવાએ મહેમાનોનું પ્રાસંગિક ઉદબોધન કર્યુ હતું. સાથે સાથે વાલીઓ અને વિદ્યાર્થીઓને માર્ગદર્શીત કર્યા હતા. વાલીઓ અને વિદ્યાર્થીઓને CET પરીક્ષા અને સરકારની યોજના વિશે સમજ આપી મિશન બુનિયાદ ટીમની પ્રશંસા કરી આભાર વ્યક્ત કર્યો હતો.

આ કાર્યક્રમમાં WBVFના તમામ હોદ્દેદારો, સરકારના પ્રતિનિધી તરીકે અધિકારીગણ જેમાં જંબુસર અને આમોદના TPEO, આમોદ અને ભરૂચના BRC કોર્ડિનેટર, CET જીલ્લા નોડેલ અધિકારી, સામાજીક કાર્યકર્તાઓ, તાલુકા સંયોજકો, ગામ સંયોજકો, આગેવાનો, ટીમ મેમ્બર્સ, શાળાના આચાર્યઓ, શિક્ષકો, વિદ્યાર્થીઓ અને મોટી સંખ્યામાં વાલીઓ ઉપસ્થિત રહયા હતા.