ભરૂચ : ચાઈના ખાતે આયોજિત ચોથી વર્લ્ડ સોફ્ટ ટેનિસ જુનિયર ટુર્નામેન્ટમાં 4 ખેલાડીઓ ભારત દેશનું પ્રતિનિધિત્વ કરશે...

ભરૂચ જિલ્લા 4 ખેલાડીઓ ચાઈના જવા રવાના થશે

ચોથી વર્લ્ડ સોફ્ટ ટેનિસ જુનિયર ટુર્નામેન્ટમાં ભાગ લેશે

તા. 1લી નવેમ્બરથી ટુર્નામેન્ટનું કરાયું છે આયોજન

ભારત દેશનું પ્રતિનિધિત્વ કરવા બદલ ગૌરવ અનુભવ્યો

જિલ્લા કલેક્ટરે ખેલાડીઓને શુભકામનાઓ પાઠવી

ચાઈના ખાતે તા. 1લી નવેમ્બરથી આયોજિત ચોથી વર્લ્ડ સોફ્ટ ટેનિસ જુનિયર ટુર્નામેન્ટમાં ભરૂચ જિલ્લા 4 ખેલાડીઓ ભાગ લઈ ભારત દેશનું પ્રતિનિધિત્વ કરવા જઈ રહ્યા છે.

ભરૂચ જિલ્લાનું ગૌરવ એવા ખનક પટેલ, ખૂબી જૈન, હેમ મહેતા અને જીવિકા શાહ આગામી તા. 1લી નવેમ્બરથી શરૂ થતી ચોથી વર્લ્ડ સોફ્ટ ટેનિસ જુનિયર ટુર્નામેન્ટમાં ભાગ લેવા ચાઈના ખાતે જનાર છે. આ ટુર્નામેન્ટમાં સમગ્ર ભારતમાંથી કુલ 22 જેટલા ખેલાડીઓ પસંદ થયા છે, જેમાંથી ગુજરાતમાંથી કુલ 7 ખેલાડીઓની પસંદગી થઈ છે. આ 7 ખેલાડીઓ પૈકી 4 ખેલાડીઓ ભરૂચ જિલ્લાના છે, તે ભરૂચ જિલ્લા માટે ખૂબ જ ગૌરવની વાત છે. આ અગાઉ તેમણે ગત વર્ષે રાષ્ટ્રીય કક્ષાએ ગુજરાતનું પ્રતિનિધિત્વ કર્યું હતું. જેમાં તેઓએ બ્રોન્ઝ મેડલ મેળવ્યો હતો.

જોકે, આ 4 ખેલાડીઓ ચાલુ વર્ષે પ્રથમ વખત ભારત દેશનું પ્રતિનિધિત્વ કરવા ચાઈના જઈ રહ્યા છે. આ તમામ ખેલાડીઓ ભરૂચ ખાતે લવ ઓલ ટેનિસ એકેડમીમાં મહીદીપસિંહ ગોહિલ અને આર્ચી ગોહિલ પાસે તાલીમ મેળવી રહ્યા છે. હાલમાં આ ખેલાડીઓનો અમદાવાદ ખાતે કેમ્પ ચાલુ છે, જેમાં તેઓ ફિટનેશ અને રમત ઉપર ધ્યાન આપી રહ્યા છે. આ પ્રસંગે ભરૂચ જિલ્લા કલેકટર તુષાર સુમેરા તથા ભરૂચ જિલ્લા રમત વિકાસ અધિકારી રાજનસિંહ દ્વારા ખેલાડીઓના સારા પ્રદર્શન અને જીતીને મેડલ લાવવા માટે શુભકામનાઓ પાઠવી છે.