ભરૂચ: SP મયુર ચાવડાની કારમાંથી સાપ નિકળ્યો, સ્નેક કેચરોએ એક કલાકની જહેમતે પકડી પાડ્યો

ભરૂચ જિલ્લા પોલીસવડા મયુર ચાવડાની સરકારી કારમાંથી સાપ નીકળતા દોડધામ મચી જવા પામી હતી, સરીસૃપો રહેણાંક વિસ્તારમાં આવી ચઢતા હોવાના અનેક બનાવો સામે આવે છે ત્યારે ભરૂચમાં ભરૂચ જિલ્લા પોલીસવડા મયુર ચાવડાની સરકારી કારમાંથી સાપ નીકળ્યો હતો.

એસ.પી.ઓફિસના પાર્કિંગમાં તેઓની કાર પાર્ક કરી હતી તે દરમ્યાન કારમાં સાપ આવી ચઢ્યો હતો.સાપ અંગેની જાણ ડ્રાઇવરને થતા સ્નેક કેચરોને મદદ માટે બોલાવવામાં આવ્યા હતા. સ્નેક કેચરોએ એક કલાકની જહેમત બાદ સાપને બહાર કાઢ્યો હતો અને તેને સુરક્ષિત જગ્યાએ છોડી મૂકવાની તજવીજ હાથ ધરી છે.