ભરૂચ: વાલિયાના વટારીયા નજીક ખાદ્યતેલ ભેરલું ટેન્કર પલટી ગયું, લોકોએ તેલની ચલાવી લૂંટ

ભરૂચના વાલીયાના વટારીયા ગામના  વળાંક પાસે ટેન્કર ચાલકને ઝોકું આવી જતા પલટી જતા ખાદ્યતેલ ઢોળાતા વટે માર્ગુઓએ લૂંટ મચાવી હતી.

આજરોજ સવારના સમયે ટેન્કર ચાલક ખાદ્ય તેલનો જથ્થો ભરી અંકલેશ્વર તરફથી વાલિયા આવી રહ્યો હતો.તે દરમિયાન વાલીયાના વટારીયા ગામના વળાંક પાસે ચાલકને ઝોકું આવી જતા ટેન્કર બે પલટી મારી ગયું હતું.આ અકસ્માતમાં ચાલકને ઇજાઓ પહોંચતા તેને 108 સેવાની મદદ વડે તાત્કાલિક સારવાર અર્થે હોસ્પિટલમાં ખસેડવામાં આવ્યો હતો.આ અકસ્માતમાં ટેન્કરમાં રહેલ ખાદ્ય તેલ ઢોળાવવા લાગ્યું હતું.આ દ્રશ્યો જોતા જ ત્યાંથી પસાર થતા લોકોએ બોટલ અને કેરબામાં ઓઇલની લૂંટ ચલાવી હતી.અકસ્માત અંગે વાલિયા પોલીસ મથકે જાણ કરતા પોલીસ કાફલો સ્થળ પર દોડી આવ્યો હતો અને તપાસ હાથ ધરી છે.