ભરૂચ: આમોદના સરભાણ ગામ નજીક ટેન્કરે બાઇકને ટક્કર મારતા નોકરી પરથી પરત ફરી રહેલ યુવાનનું મોત

મૃતક સંકેત કિશોરભાઈ જડિયા (ઉ.વ. 37), જંબુસરના સુભાષ મેદાન વિસ્તારમાં રહેતા હતા.તેઓ નોકરી પરથી ઘરે પરત ફરી રહ્યા હતા ત્યારે આ દુર્ઘટના ઘટી હતી. સંકેતભાઈએ હેલ્મેટ પહેર્યું હોવા છતાં માથામાં ગંભીર ઈજા પહોંચતા તેઓનું ઘટનાસ્થળે જ કમકમાટીભર્યું મોત નિપજ્યું હતું.ઘટનાની જાણ થતા જ જંબુસરના ધારાસભ્ય દેવકિશોર સ્વામી, આમોદ નગરપાલિકાના પ્રમુખ અને મહામંત્રી  આમોદ સામુહિક આરોગ્ય કેન્દ્ર દોડી આવ્યા હતા.બનાવ અંગે આમોદ પોલીસે ફરિયાદ નોંધી વધુ તપાસ હાથ ધરી છે.