ભરૂચ: એક્સપ્રેસ હાઇવે પરથી રૂ.18 લાખની કિંમતનું ડ્રગ્સ ઝડપાવાના મામલામાં ફરાર આરોપીની MPથી ધરપકડ

ભરૂચ બી ડિવિઝન અને રૂરલ પોલીસની ટીમને દિલ્લી મુંબઈ એક્સપ્રેસ વે પર એમડી ડ્રગસની હેરફેર કરવામાં આવી રહી હોવાની બાતમી મળતા કારેલી ગામ નજીક વોચ ગોઠવવામાં આવી હતી.

author-image
By Connect Gujarat Desk in ભરૂચ સમાચાર
New Update
Bharuch Drugs Accused Arrest
દિલ્હી મુંબઇ એક્સપ્રેસ હાઇસ પર કારમાંથી રૂ.18 લાખની કિંમતનું એમ.ડી.ડ્રગસ ઝડપાવાના મામલામાં પોલીસે ફરાર આરોપીની મધ્યપ્રદેશના ધાર ખાતેથી ધરપકડ કરી કાયદેસરની કાર્યવાહી હાથ ધરી છે.
ભરૂચ બી ડિવિઝન અને રૂરલ પોલીસની ટીમને દિલ્લી મુંબઈ એક્સપ્રેસ વે પર એમડી ડ્રગસની હેરફેર કરવામાં આવી રહી હોવાની બાતમી મળતા કારેલી ગામ નજીક વોચ ગોઠવવામાં આવી હતી. બાતમી અનુસારની કાર આવતા તેને અટકાવી જડતી લેવામાં આવતા ઇલ્યાસઅલી હુસૈન મલેક,અશરફ બશીરભાઇ મુન્સી અને હનીફ રાજની ધરપકડ કરી રૂ.18 લાખની કિંમતનું 180 ગ્રામ એમડી ડ્રગ્સ કબ્જે હતું.
પોલીસે રિમાન્ડ દરમ્યાન ઇલ્યાસ મલેક નામના આરોપીની કડક પૂછતાછ કરતા તે ડ્રગ્સનો આ જથ્થો મધ્યપ્રદેશના ધાર ખાતે રહેતા અક્રમ મન્સૂરી પાસે લાવ્યો હોવાનું બહાર આવ્યું હતું જેથી પોલીસે આરોપી ઇલયાસને સાથે રાખીને એક ટીમ મધ્યપ્રદેશના ધાર ખાતે રવાના કરી હતી અને આરોપી અક્રમ મન્સૂરીની ધરપકડ કરી તેની વિરુદ્ધ કાયદેસરની કાર્યવાહી હાથ ધરી છે.
#Bharuch Police #ડ્રગ્સનો કાળો કારોબાર #ડ્રગ્સ #MD drugs Case #એમડી ડ્રગ્સ #MD ડ્રગ્સ #MD drugs Accused #MD Drugs Bharuch #MD Drugs
Related Articles