ભરૂચ: વાલિયા-ઝઘડિયામાં લિગ્નાઇટ પ્રોજેક્ટના વિરોધમાં તા.1લી જૂને BTSની વિશાળ રેલી, રાજકારણમાં ગરમાવો

અંબાજી-ઉમરગામ સુધીના આદિવાસી વિસ્તારમાં આદિવાસી સમાજના હક્ક અને અધીકારી માટે ભીલીસ્તાન ટાઇગર સેના અગ્રેસરની ભુમિકામાં હોય છે.જેમાં જીએમડીસી લિગનાઇટ પ્રોજેક્ટ માટે ભરૂચ જીલ્લાના આદિવાસી વિસ્તારમાં આવેલા વાલીયા-ઝઘડીયા તાલુકાના ૨૦ થી વધુ ગામો વિસ્થાપિત થનાર છે અને ૩૦૦૦ હેક્ટરથી વધુ જમીન સંપાદન કરનાર છે.જેથી  વાલીયા-ઝઘડીયા તાલુકાના તમામ ખેડુતો સાથે જીએમડીસીએ લોક સુનાવણી યોજી હતી પરંતુ તમામ ખેડુતોએ તેનો વિરોધ કયૉ હતો.ભીલીસ્તાન ટાઇગર સેનાના રાષ્ટ્રીય પ્રમુખ-ડેડીયાપાડાના પુવઁધારાસભ્ય મહેશ વસાવાએ વાલીયા-ઝઘડીયા લિગનાઇટ પ્રોજેક્ટના વિરોધમાં તા.૧ જુને વિશાળ રેલીનું આયોજન કયુઁ છે જેના પગલે રાજકણમાં ગરમાવો આવી ગયો છે.