ભરૂચ: સી ડિવિઝન પોલીસની સરાહનીય કામગીરી, પોલીસ મથકના પરિસરમાં બેસી રહેલ બીમાર ગાયની સારવાર કરાવી !

વાત એમ છે કે ભરૂચ શહેર સી ડિવિઝન પોલીસ સ્ટેશનના પટાંગણમાં બે દિવસથી એક ગાય બેસી રહી હતી. ડી સટાફના એએસઆઈ શૈલેષ નાઈ અને અજય ભરવાડની નજર આ ગાય પર પડતા વેટેનરી ડોક્ટરને મદદે બોલાવાયા હતા. ગાય બીમાર હોવાનું સામે આવતા પોલીસ ઇન્સ્પેકટર વી આર ભરવાડ જીવદયા પ્રેમી આશિષ શર્માની મદદથી પોલીસ કર્મીઓએ સતત 24 કલાક આ બીમાર ગાયની દેખરેખ સાથે તેને સમયસર દવા અને ખોરાક મળે તેનું ધ્યાન આપતા એક સમયે મરણ પથારીએ પડેલી ગાય ફરી બેઠી નહિ પરંતુ ચાલતી ફરતી થઇ ગઈ હતી. પોલીસકર્મીઓની આ કામગીરીને સ્થાનિકો અને જવળયાપ્રેમીઓએ બિરદાવી હતી. એક તરફ પોલીસ કડકાઈના કારણે લોકોના અણગમાનો ભોગ બનતી હોય છે ત્યારે જીવદયાની આ પહેલ એ અબોલ પશુનો જીવ બચાવતા ખાખીની વાહવાહી પણ થઇ રહી છે.