ભરૂચ કલેક્ટર કચેરીના સભાખંડ ખાતે જિલ્લા વિકાસ અધિકારી યોગેશ કાપસેના અધ્યક્ષસ્થાને જિલ્લા સ્વાગત ફરિયાદ નિવારણ કાર્યક્રમ યોજાયો હતો.

ભરૂચ જિલ્લા વિકાસ અધિકારીએ અરજદારોને રૂબરૂમાં મળીને તેમના પ્રશ્નોને સાંભળ્યા હતા અને એ પ્રશ્નોને ઉકેલવા માટે સંબંધિત કચેરીઓના અધિકારીઓને સુચનો કર્યા હતા. અરજદારોના બાકી રહેતા પ્રશ્નો માટે તાત્કાલિક નિવારણ કરવા માટે ખાસ સૂચના આપી હતી. કર્મચારીઓ અને અધિકારીઓને હકારાત્મક વલણ રાખીને કામગીરી કરવા માટે સૂચના આપી હતી.
અત્રે ઉલ્લેખનીય છે કે, ભરૂચ કલેક્ટર કચેરી ખાતે ૩૧ અરજીઓમાં રજૂ થયેલા તમામ પ્રશ્નોનો હકારાત્મક નિકાલ કરવામાં આવ્યો હતો. આ બેઠકમાં નિવાસી અધિક કલેક્ટર એન.આર.ધાધલ, પ્રાંત અધિકારીઓ, મામતદાર, તાલુકા વિકાસ અધિકારી તેમજ સંબંધિત વિભાગોના અધિકારીઓ હાજર રહ્યા હતા.