ભરૂચ: વરસાદી વિઘ્ન બાદ હોસ્ટેલ ગ્રાઉન્ડ પર ફટાકડા બજાર ધમધમ્યુ

આ વર્ષે ફટાકડાના ભાવમાં સામાન્ય વધારો થયો છે. અત્યાર સુધી વરસાદી મહોલના કારણે વેપારીઓને નુકશાનીનો સામનો કરવો પડે એવો માહોલ સર્જાયો હતો વેચાણમાં સારો પ્રતિસાદ મળે તેવી વેપારીઓ આશા સેવી રહ્યા છે.

author-image
By Connect Gujarat Desk in ભરૂચ સમાચાર
New Update

હોસ્ટેલ ગ્રાઉન્ડ પર ફટાકડાના સ્ટોલ ઊભા કરાયા

અવનવા પ્રકારના ફટકડા જોવા મળ્યા

રંગોળીના કલર-દીવડાનું પણ વેચાણ

ભાવમાં સામાન્ય વધારો

આ સિઝન સારી જાય એવી વેપારીઓને આશા

પ્રકાશના પર્વ દિવાળીને આડે હવે ગણતરીના દિવસો બાકી રહ્યા છે ત્યારે ભરૂચ શહેરના હોસ્ટેલ ગ્રાઉન્ડ ખાતે ફટાકડાના વેપારીઓ દ્વારા સ્ટોલ ઊભા કરવામાં આવ્યા છે જ્યાં અવનવા પ્રકારના ફટકડાઓનું વેચાણ કરવામાં આવી રહ્યું છે
ભરૂચ શહેરના હોસ્ટેલ ગ્રાઉન્ડ ખાતે ફટાકડા બજાર ધમધમતા થયા છે ત્યારે આ વર્ષે ફટાકડાની અવનવી વેરાયટી બજારમાં આવી ગઈ છે. જોકે, આ વર્ષે ફટાકડાના ભાવમાં સામાન્ય વધારો થયો છે. અત્યાર સુધી વરસાદી મહોલના કારણે વેપારીઓને નુકશાનીનો સામનો કરવો પડે એવો માહોલ સર્જાયો હતો ત્યારે હવે ફટાકડાના વેચાણમાં સારો પ્રતિસાદ મળે તેવી વેપારીઓ આશા સેવી રહ્યા છે.
ફટાકડાની સાથે રંગોળીના કલર તેમજ દીવડા સહિતની સામગ્રીનું પણ વેચાણ થઈ રહ્યું. દિવાળીના સમયે હોસ્ટેલ ગ્રાઉન્ડ સહિત મુખ્ય માર્ગો પર અને માનવ વસ્તી નજીક પણ ફટાકડા સ્ટોલ ઉભા કરવામાં આવે છે, અને દર દિવાળીએ વહીવટી તંત્ર સુરક્ષા અને સલામતી બાબતે પરિપત્ર બહાર પાડી સંતોષ માની લેવાની જગ્યાએ ફટાકડાના વેપારીઓને કાયદાનું પણ પાલન કરાવે તે અત્યંત જરૂરી બન્યું છે.
સાથે જ કેટલાક વેપારીઓ જણાવી રહ્યા છે કે તેઓ દ્વારા નીતિ નિયમોનું પાલન કરવામાં આવે છે પરંતુ રોડ પર વેચાતા ફટાકડા બાબતે તંત્ર દ્વારા કોઈ કાર્યવાહી નથી કરવામાં આવતી એ બાબતે અધિકારીઓ ધ્યાન આપે તેવી માંગ કરવામાં આવી છે
#Bharuch News #Diwali Festival #ફટાકડા #fireworks market #ફટાકડા બજાર #Fire Works Market #Fire Works
Related Articles
Read the Next Article

અંકલેશ્વર: વાલિયા તાલુકા BJP પ્રમુખનું વોટ્સએપ હેક, "આપકે ઓર હમારે પ્યાર ભરે પલ" લખી લીંક સેન્ટ કરાયા

ભરૂચના વાલિયા તાલુકા ભાજપ પ્રમુખનું વોટ્સએપ હેક કરી સાયબર ઠગોએ લિંક PDF ફોન લિસ્ટના કોન્ટેક્ટમાં ફોરવર્ડ કરી બીભત્સ મેસેજ કરતા ચકચાર મચી જવા પામી

author-image
By Connect Gujarat Desk in ભરૂચ ગુજરાત
New Update

  • ભરૂચમાં સાયબર માફિયાઓનો ખેલ

  • વાલિયા ભાજપ પ્રમુખનું વોટ્સએપ હેક કરાયુ

  • વોટ્સએપ પરથી અશ્લીલ મેસેજ કરાયા

  • પ્રમુખ પૃથ્વીસિંહ ગોહિલનું વોટ્સએપ હેક

  • વાલિયા પોલીસને અરજી અપાય

ભરૂચના વાલિયા તાલુકા ભાજપ પ્રમુખનું વોટ્સએપ હેક કરી સાયબર ઠગોએ લિંક PDF ફોન લિસ્ટના કોન્ટેક્ટમાં ફોરવર્ડ કરી બીભત્સ મેસેજ કરતા ચકચાર મચી જવા પામી છે.
ભરૂચના વાલિયા ખાતે રહેતા અને વાલિયા તાલુકા ભાજપ પ્રમુખ તેમજ વાલિયા ગામના ડેપ્યુટી સરપંચ પૃથ્વીરાજસિંહ ગોહિલ ગત તારીખ-24મી જુનના રોજ રાતે પરિવાર સાથે સુઈ ગયા હતા તે દરમિયાન મોડી રાતે 2 કલાકે અજાણ્યા સાયબર ઠગોએ તેઓનું વોટ્સએપ હેક કરી તેમાં રહેલા 2500 થી 3 હજાર કોન્ટેક્ટ લિસ્ટમાં હિન્દીમાં આપકે ઔર હમારે પ્યાર ભરે પલ,બીતે.opk 1.8 mb.APK અને દેખ કર તો યાદ આભી ગયા હોગાના બે મેસેજ સહિત એક પી.ડી.એફ લિંક ફોરવર્ડ કરી બીભત્સ મેસેજ ફેલાવવામાં આવ્યો હતો.
આ અંગેની પૃથ્વીરાજસિંહ ગોહિલને તેઓના કોન્ટેક્ટ લિસ્ટના નંબર પરથી ફોન આવતા તેઓને ઘટનાની જાણ થઈ હતી.જેથી તેઓએ પોતાના વોટ્સએપને હેક કરી સાયબર ઠગોએ બીભત્સ મેસેજ કર્યા હોવા સાથે પોતે સાયબર હુમલાના શિકાર બન્યા હોવાનું માલુમ પડ્યું હતું.જેથી તેઓએ વાલિયા પોલીસ મથકે સાયબર ઠગો વિરુદ્ધ અરજી આપી હતી. અને લોકોને આવી લિંક કે મેસેજથી સાવધાન રહેવા અપીલ કરી હતી.

 

#Bharuch Police #Bharuch News #Gujarati News #BJP president #WhatsApp hacked #વોટ્સએપ હેક