ભરૂચ: નારાયણ કુંજ વિહાર સોસા.માં નવરાત્રી પર્વની ઉજવણી, મહાનુભાવોએ આરતી ઉતારવાનો લીધો લ્હાવો

 

જગત જનની માં જગદંબાની આરાધનાના પર્વ નવરાત્રીની ઉજવણી કરવામાં આવી રહી છે ત્યારે ભરૂચની વિવિધ સોસાયટીઓ અને શેરીઓમાં પણ ગરબા મહોત્સવનું આયોજન કરવામાં આવ્યું છે. ભરૂચના ભોલાવ વિસ્તારમાં આવેલ નારાયણ કુંજ વિહાર સોસાયટીમાં ભવ્ય નવરાત્રી મહોત્સવ ઉજવાઈ રહ્યો છે જેમાં પાંચમના નોરતે મહાનુભાવોએ માતાજીની આરતી ઉતારવાનો લ્હાવો લીધો હતો. ચાર્ટર્ડ એકાઉન્ટન્ટ સાગરમલ પારિક અને તેમના ધર્મપત્નિ લીનાબહેન પારિકે વિશેષ ઉપસ્થિત રહી આદ્યશક્તિની આરતી ઉતારી હતી. આ પ્રસંગે સોસાયટીના પ્રમુખ જીતેન્દ્રસિંહ સિંધા, ઉપપ્રમુખ મહેન્દ્ર પરમાર, મંત્રી મફતભાઈ પટેલ, પંકજભાઈ પટેલ, મોનાબહેન પટેલ, શીતલબહેન પટેલ અને રીંકુબહેન પટેલ સહિતના આગેવાનો પણ ઉપસ્થિત રહ્યા હતા.નવરાત્રી નિમિત્તે ખેલૈયાઓએ ગરબે ઘૂમી માતાજીની આરાધના કરી હતી