ભરૂચ: ઝઘડિયા GIDC નજીક રસ્તો ક્રોસ કરતા દીપડાનો પોલીસકર્મીએ વિડીયો બનાવ્યો,સ્થાનિકોની પાંજરૂ ગોઠવવાની માંગ

ઝઘડિયા જીઆઈડીસી વિસ્તારમાં નોટીફાઇડથી તલોદરા તરફ જતા માર્ગ પર રાત્રિ પેટ્રોલિંગ દરમિયાન પોલીસ કર્મચારીઓને રોડ ક્રોસ કરતો દીપડો જોવા મળ્યો..

author-image
By Connect Gujarat Desk in ભરૂચ ગુજરાત
New Update
leopard Ghagadis
ભરૂચ ઝઘડિયા તાલુકામાં દીપડાની વધતી વસ્તી ચિંતાનો વિષય બની રહી છે. તાજેતરમાં, ઝઘડિયા GIDC વિસ્તારમાં નોટીફાઇડથી તલોદરા તરફ જતા માર્ગ પર રાત્રિ પેટ્રોલિંગ દરમિયાન પોલીસ કર્મચારીઓને એક દીપડો જોવા મળ્યો હતો.પીએસઆઈ સહિતના પોલીસ કર્મચારીઓએ દીપડાને જોતાં જ પોતાની જીપ રોકી દીધી હતી. દીપડો રસ્તો ઓળંગીને સામેની બાજુએ આવેલી ઝાડીઓમાં પ્રવેશી ગયો હતો.
પોલીસ કર્મચારીઓએ આ સમગ્ર ઘટનાનો વીડિયો પણ બનાવ્યો હતો.વિસ્તારમાં શેરડીના ખેતરો દીપડાઓ માટે આશ્રયસ્થાન બની ગયા છે. અગાઉ પણ અનેક વખત દીપડાના દર્શન થયા છે અને તેમના શિકાર કરવાના વીડિયો સોશિયલ મીડિયા પર વાયરલ થયા છે. સ્થાનિક લોકોએ વન વિભાગને પાંજરા મૂકીને દીપડાઓને પકડવાની માંગણી કરી છે. 
#leopard #ખૂંખાર દીપડો #Jhagadia GIDC #Bharuch Forest
Related Articles