ભરૂચ: કુલ નવ પૈકી 5 તાલુકામાં વરસાદ, હજુ 2 દિવસ વરસાદની આગાહી

ભરૂચ શહેર અને જિલ્લામાં છેલ્લા કેટલાય દિવસોથી છૂટોછવાયો વરસાદ વરસી રહ્યો છે. ત્યારે ગતરોજ રાત્રિના સમયે પણ ભારે પવન સાથે ધોધમાર વરસાદ વરસ્યો હતો.

author-image
By Connect Gujarat Desk in ભરૂચ સમાચાર
New Update
rain1

ભરૂચ શહેર અને જિલ્લામાં છેલ્લા કેટલાય દિવસોથી છૂટોછવાયો વરસાદ વરસી રહ્યો છે. ત્યારે ગતરોજ રાત્રિના સમયે પણ ભારે પવન સાથે ધોધમાર વરસાદ વરસ્યો હતો.

ઉકળાટ અને બફરા વચ્ચે વરસાદ વરસતા વાતાવરણમાં ઠંડક પ્રસરી હતી ભરૂચ જિલ્લામાં વરસેલા વરસાદના તાલુકામાં આંકડા પર નજર કરીએ તો આમોદ,વાગરા,ભરૂચ અને ઝઘડિયામાં 2-2 મી.મી તો અંકલેશ્વર 1. મી.મી.વરસાદ નોંધાયો હતો. રાત્રીના સમયે અચાનક વાતાવરણમાં પલટો આવ્યો હતો અને ધોધમાર વરસાદ વરસ્યો હતો.

અંબાલાલ પટેલની આગાહી અનુસાર આગામી 22 થી 25 ઓક્ટોબર દરમિયાન બંગાળના ઉપસાગરમાં વાવાઝોડુ સર્જાઈ શકે છે. વાવાઝોડાની ગતિ 100 થી 120 કિમી સુધી રહેવાનું અનુમાન છે. જો આ ચક્રવાત સર્જાશે તો તેની સીધી અસર ગુજરાત પર વર્તાશે. વાવાઝોડાને કારણે 24 ઓક્ટોબર સુધીમાં ગુજરાતના જૂદા જૂદા ભાગમાં વરસાદ પડી શકે છે.

#Bharuch #Rain
Related Articles
Read the Next Article

ભરૂચ: દહેજના જોલવા ગામે ઈન્ટરનેટનો કેબલ લગાવવાનું કહી મકાનમાં લૂંટ ચલાવનાર 2 આરોપીઓની પોલીસે કરી ધરપકડ

દહેજના જોલવા ગામે અજાણ્યા બે ઇસમોએ ઈન્ટરનેટનો કેબલ નાંખવા આવ્યા હોવાનું જણાવી ઘરમાંથી રૂ.25 હજારના માલમતાની લૂંટ ચલાવી ફરાર થઇ ગયા હતા...

author-image
By Connect Gujarat Desk in ભરૂચ સમાચાર
New Update
Jolva Robbery Case
ભરૂચના દહેજ પોલીસ મથક વિસ્તારના જોલવા ગામની સીમ આવેલ સેફ્રોન સિટીના ટાઈગર પ્લાઝા રેસીડન્સીમાં આવેલ મકાન નંબર M-104 માં ફરીયાદી બહેન તથા તેમનો ૭ માસનો દિકરા સાથે ઘરે હાજર હતા અને ફરીયાદી પોતાના ઘરનુ કામ કરતા હતા તે દરમ્યાન ત્રણ દિવસ પૂર્વે અજાણ્યા બે ઇસમોએ ઈન્ટરનેટનો કેબલ નાંખવા આવ્યા હોવાનું જણાવી ઘરમાંથી રૂ.25 હજારના માલમતાની લૂંટ ચલાવી ફરાર થઇ ગયા હતા.
બનાવ અંગે દહેજ પોલીસે તપાસ શરૂ કરી હતી જેમાં પોલીસે ગુના વાળી જગ્યાએ આવવા જવાના રસ્તા ઉપરના આવેલ 100 થી વધુ CCTV ફુટેઝ ચેક કરવામાં આવ્યા હતા અને ટેક્નિકલ સર્વેલન્સના આધારે પોલીસે ફૈયાઝ અબ્દુલ ઐયુબ અબ્દુલ રહે.મહમદપુરા, પીર કાઠી રોડ,તા.જી.ભરૂચ અને  મહમદ ફૈયાઝ મહમદ હનીફ શેખરહે.૮૦૯, ફુરજા રોડ, ચાર રસ્તાની પાછળ, ગ્રુપડપટ્ટી, તા.જી.ભરૂચની ધરપકડ કરી હતી.પોલીસે તેઓ પાસેથી રૂ.50 હજારનો મુદ્દામાલ કબ્જે કરી કાયદેસરની કાર્યવાહી હાથ ધરી છે.
#જોલવા ગામ #Jolwa village #internet cable #gujarat samachar #Bharuch News #Bharuch Police #Bharuch Loot News #Bharuch Loot Case #bharuch loot