સમગ્ર રાજ્યમાં હવે નૈઋત્યનું ચોમાસુ જામ્યું છે ત્યારે ભરૂચ જિલ્લામાં પણ સાર્વત્રિક વરસાદ વર્ષો હતો જેના કારણે વાતાવરણમાં ઠંડક પ્રસરી હતી
રાજ્યમાં હવે દક્ષિણ ગુજરાતમાંથી ચોમાસુ ધીમે ધીમે આગળ વધી રહ્યું છે ત્યારે મધ્ય ગુજરાત ઉત્તર ગુજરાત અને સૌરાષ્ટ્રમાં પણ સાર્વત્રિક વરસાદ વરસ્યો હતો. વરસાદ વરસતા વાતાવરણમાં ઠંડક પ્રસરી હતી ભરૂચ જિલ્લાની વાત કરવામાં આવે તો ભરૂચ જિલ્લામાં છેલ્લા બે દિવસથી વરસાદી માહોલ જોવા મળી રહ્યો છે. ભરૂચ જિલ્લાના નવ તાલુકામાં સાર્વત્રિક વરસાદ વરસ્યો હતો. જેના કારણે ખેડૂતોમાં ખુશીની લહેર જોવા મળી રહી છે
ભરૂચ જિલ્લામાં વરસેલ વરસાદના તાલુકાવાર આંકડા પર નજર કરીએ તો અંકલેશ્વરમાં એક ઇંચ, આમોદમાં છ મીલીમીટર, જંબુસરમાં ચાર મિલિમિટર, ઝઘડિયામાં એક ઇંચ, નેત્રંગમાં દોઢ ઇંચ, ભરૂચમાં પાંચ મિલીમીટર, વાગરામાં આઠ મિલીમીટર,વાલીયામાં બે ઇંચ અને હાંસોટમાં 11 મીલીમીટર વરસાદ નોંધાયો હતો. ગુજરાતના હવામાન વિભાગ દ્વારા આવનારા ત્રણ દિવસ દક્ષિણ ગુજરાત અને સૌરાષ્ટ્રમાં વરસાદની આગાહી કરવામાં આવી છે.