ગુજરાતનાં દરિયાકાંઠેથી આશરે1800કરોડ રૂપિયાનું ડ્રગ્સ ભરેલી એક બોટ પકડી પાડવામાં આવી છે.  (ICG)અને ગુજરાત એટીએસની સંયુક્ત કાર્યવાહીમાં આ ઓપરેશન પાર પડાયું છે. માહિતી મુજબ લગભગ300કિલોગ્રામ જેટલો ડ્રગ્સનો જથ્થો બોટમાંથી મળી આવ્યો હતો.

ભારતીય કોસ્ટ ગાર્ડ અને એન્ટી ટેરરિસ્ટ સ્ક્વોડએ ગુજરાત અને મહારાષ્ટ્ર વચ્ચે અરબી સમુદ્રમાં1800કરોડ રૂપિયાના ડ્રગ્સ ભરેલી બોટ જપ્ત કરવામાં આવી છે. આ કાર્યવાહી દરમિયાન300કિલો મેફેડ્રોન (MD)ડ્રગ્સ જપ્ત કરવામાં આવ્યું હતું. ગુપ્ત માહિતીના આધારે શરૂ કરાયેલા આ ઓપરેશનમાંICGએ પોતાના જહાજો અને વિમાનોને તૈનાત કર્યા હતા.

@IndiaCoastGuard, in a joint operation with #Gujarat#ATS on the night of 12-13 Apr 25, seized 300 Kg narcotics worth Rs 1800 Cr off #IMBL near #Gujarat coast. On spotting #ICG ship, smugglers dumped contraband & fled across #IMBL. Consignment recovered at sea & handed to #ATS… pic.twitter.com/sxy7CG89Vq

— Indian Coast Guard (@IndiaCoastGuard) April 14, 2025

કોસ્ટગાર્ડ અને એટીએસનું ઓપરેશન મોડી રાત સુધી ચાલુ રહ્યું હતું. કોસ્ટ ગાર્ડની સ્પીડ બોટ અને જહાજોએ શંકાસ્પદ બોટને ઘેરીને ઝડપી લીધી હતી. ગુજરાત અને મહારાષ્ટ્ર વચ્ચેના દરિયાઈ વિસ્તારમાં આંતરરાષ્ટ્રીય દરિયાઈ સીમા રેખા (IMBL)નજીક13મી એપ્રિલની રાત્રે બોટને અટકાવવામાં આવી હતી.

આટલો મોટો ડ્રગ્સનો જથ્થો પકડાવા મામલે માહિતી આપતા ગુજરાત એટીએસના ડીઆઈજી સુનીલ જોશીએ કહ્યું કે અમને બાતમી મળી હતી કે પાકિસ્તાનથી એક ફિદા નામની વ્યક્તિ પોરબંદર400કિલો ડ્રગ્સ મોકલવાની છે. આ ડ્રગ્સને શ્રીલંકન બોટ રિસીવ કરવાની હતી.

જોકે બાતમી અનુસાર એટીએસ અને કોસ્ટગાર્ડની સંયુક્ત કાર્યવાહીથી સચેત થઈ જતા પાકિસ્તાની બોટ દરિયામાં જ ડ્રગ્સના પાર્સલ ફેંકી ભાગી ગઈ હતી. કોસ્ટગાર્ડ દ્વારા તેનો પીછો પણ કરાયો હતો પણ ત્યાં સુધીમાં તે પાકિસ્તાનની બોર્ડર ક્રોસ કરી ગઈ હતી.