ભરૂચ: ઝઘડિયાના ઉમધરા ગામે કૂવામાંથી મહાકાય અજગરને રેસક્યુ કરાયો

ભરૂચના ઝઘડિયા તાલુકાના ઉમધરા એક ખેતરના કૂવામાંથી ૧૦ ફુટ જેટલા લાંબા એક અજગરને રેસ્કયું કરવા આવ્યું હતું ઝઘડિયા તાલુકાના ઉમધરા ગામે  એક ખેતરના કૂવામાં એક અજગરે દેખા દેતા સ્થાનિકો દ્વારા સેવ એનિમલ તેમજ વન વિભાગની ટીમને જાણ કરવામાં આવી ત્યાર બાદ વન વિભાગની ટીમ તેમજ સેવ એનિમલની ટીમ દ્વારા તત્કાલ સ્થળ ઉપર પોહચીને વન વિભાગના માર્ગદર્શન હેઠળ કૂવામાં પડેલ  મહાકાય અજગરને રેસ્ક્યુ કરવાની તજવીજ હાથ ધરવામાં આવી હતી.

ભારે જહેમત બાદ સેવ એનિમલ ટીમના વિજય વસાવા સુરક્ષા સાથે ઊંડા કૂવામાં ઉતરી અજગરને રેસ્ક્યુ કરવામાં સફળતા મળી હતી. બાદમાં અજગરને વન વિભાગ ખાતે સોંપવામાં આવ્યો હતો.