ભરૂચ : નેત્રંગ તાલુકાની પ્રાથમિક શાળાઓમાં અભ્યાસ કરતા જરૂરિયાતમંદ બાળકોને દિવાળી નિમિત્તે ભેટ અર્પણ કરાય...

“Spread Smile – It’s True Serve to Society” દ્વારા ભરૂચ જિલ્લાના નેત્રંગ તાલુકાની પ્રાથમિક શાળાઓમાં અભ્યાસ કરતા અનાથ અને જરૂરિયાતમંદ બાળકોને શિક્ષકો તેમજ અન્ય દાતાઓના સહિયારા સહકારથી દિવાળી ભેટ આપી આનંદ આપવાનો પ્રયાસ કરવામાં આવ્યો હતો. 

ભરૂચ જિલ્લાના નેત્રંગ તાલુકાની વિવિધ પ્રાથમિક શાળાઓમાં અભ્યાસ કરતા અનાથ તથા આર્થિક રીતે નબળા વર્ગના બાળકોને મદદરૂપ થવા માટે “Spread Smile – It’s True Serve to Society” નામે એક માનવતાભર્યો કાર્યક્રમ યોજાયો હતો. આ કાર્યક્રમ દ્વારા આશરે 45 જેવા બાળકોને રોજિંદા ઉપયોગની ચીજવસ્તુઓ, કપડાં તથા ખાદ્ય સામગ્રીનું વિતરણ કરવામાં આવ્યું હતું.

બાળકોના ચહેરા પર ઝળહળતું સ્મિત જોઈ દરેક સહભાગીનું હૃદય આનંદથી ભરાઈ ગયું હતું. આવા માનવતાપૂર્ણ પ્રયત્નો સમાજમાં સહકાર, સંવેદના અને સકારાત્મક વિચારધારા ફેલાવે છે, ત્યારે સમગ્ર કાર્યક્રમને સફળ બનાવવા માટે સહયોગ આપનાર તમામ દાતાઓ, શિક્ષકો અને સમાજ સેવકોનો આયોજકોએ હૃદયપૂર્વક આભાર વ્યક્ત કર્યો હતો.