• GIDC વિસ્તારમાં લૂંટની ઘટનાથી ચકચાર મચી

• એક મહિલાની મદદ કરવી યુવાનને ભારે પડી

• મહિલાએ મદદના બહાને યુવાનને કર્યો હતો ફોન

• યુવાનપાસેથીરૂ. 10 હજાર લઇ મહિલા ફરારથઈ

• યુવકે પોલીસ મથકે અરજી સ્વરૂપે ફરિયાદ નોંધાવી

ભરૂચ જિલ્લાના અંકલેશ્વરGIDC વિસ્તારમાં એક મહિલાએ કોસમડીના યુવકને મદદ માટે બોલાવી રૂ. 10 હજારની લૂંટ ચલાવી ફરાર થઈ ગઈ હતી,ત્યારે આ મામલેGIDC પોલીસે વધુ તપાસ હાથ ધરી છે.

મળતી માહિતી અનુસાર, ભરૂચ જિલ્લાના અંકલેશ્વર તાલુકાના કોસમડી ગામ ખાતે રહેતા મોહમ્મદ રીઝવાનને રાત્રિના 10 વાગ્યાના અરસામાં રંજનબેન નામની મહિલાનો ફોન આવ્યો હતો. જેમાં મહિલાએ જણાવ્યુ હતું કે, મારી ગાડી ખરાબ થઇ ગઈ છે. જલધારા ચોકડી પાસે મારુ ઘર છે, તો મને મારા ઘર સુધી મુકી જાવ. એવું કહીને યુવકને અંકલેશ્વરGIDC વિસ્તારમાં આવેલ એપ્પલ પ્લાઝા પાસે બોલાવ્યો હતો.

અને યુવક સાથે મોપેડ પર બેસી તેને જોગર્સ પાર્ક નજીકની સોસાયટી તરફ લઈ ગઈ હતી, જ્યાં અન્ય યુવતી પણ હાજર હતી. આ દરમ્યાન યુવકના ખિસ્સામાં રહેલા 10 હજાર રૂપિયા લૂંટી લઈ બન્ને મહિલાઓ ત્યાંથી ફરાર થઈ ગઈ હતી. સમગ્ર મામલે મોહમ્મદ રીઝવાને અંકલેશ્વરGIDC પોલીસ મથકે અરજી સ્વરૂપે ફરિયાદ કરી હતી, ત્યારે હાલ તો પોલીસે બન્ને મહિલાઓને વહેલી તકે ઝડપી લેવાની કવાયત હાથ ધરી છે.