અંકલેશ્વર: ડ્રગ્સ બનાવતી કંપની મુદ્દે કરેલા નિવેદન મામલે MLA ચૈતર વસાવાની વધી શકે છે મુશ્કેલી, જુઓ શું છે મામલો

આપ ધારાસભ્યના આક્ષેપ સામે ઇન્ફિનિટી રિસર્ચ એન્ડ ડેવલોપમેન્ટ કંપનીના પ્લોટમાં હાલમાં ઝેન્ટિકા ફાર્માના નામે કંપની ચલાવતા બે ઉદ્યોગકારોએ વિડીયો જાહેર કર્યો છે.લોન ભરપાઈ ન કરી શકનાર  ઇન્ફિનિટી રિસર્ચ એન્ડ ડેવલોપમેન્ટ કંપની બેન્ક ઓફ કર્ણાટકાએ ટાંચમાં લીધા બાદ ઓક્શનમાં ચાર કારોબારીઓએ બાંધકામ અને પ્લોટ ખરીદી ઝેન્ટિકા ફાર્માના નામે નવી કંપની શરુ કરી છે .ધારાસભ્ય ચૈતર વસાવાની અધૂરી માહિતીના કારણે તેમની સાખ અને કારોબાર પર વિપરીત અસર પડવાનો આક્ષેપ કરાયો છે ચૈતર વસાવા સામે કાયદેસરની કાર્યવાહી માટે તૈયારી બતાવવામાં આવી છે.