ભરૂચ: GNFC ખાતે સ્પેશ્યલ ખેલમહાકુંભનું આયોજન, પ્રજ્ઞાચક્ષુ ખેલાડીઓ માટે વિવિધ રમતોનો પ્રારંભ

ભરૂચના GNFC ટાઉનશીપ સ્થિત સ્પોર્ટ્સ કોમ્પ્લેક્સ ખાતે ત્રી-દિવસીય સ્પેશિયલ ખેલ મહાકુંભનો પ્રારંભ કરવામાં આવ્યો છે જેમાં પ્રજ્ઞાચક્ષુ ખેલાડીઓ માટે વિવિધ રમતોનું આયોજન કરવામાં આવ્યું છે.

ભરૂચ-નર્મદા જિલ્લાના પ્રજ્ઞાચક્ષુ ખેલાડીઓ માટે જિલ્લા રમત વિકાસ અધિકારી,જિલ્લા રમત ગમત અધિકારી અને જિલ્લા રમત પ્રશિક્ષણ કેન્દ્ર ભરૂચ,રાષ્ટ્રીય અંધજન મંડલ ભરૂચ-નર્મદા જિલ્લા શાખાના સંયુક્ત ઉપક્રમે ભરૂચના GNFC ટાઉનશીપ સ્થિત સ્પોર્ટ્સ કોમ્પ્લેક્સ ખાતે ત્રી-દિવસીય સ્પેશિયલ ખેલ મહાકુંભનું આયોજન કરવામાં આવ્યું હતું.જેમાં ક્રિકેટ,એથ્લેટીક્સ, ચેસ સહિતની રમતો રમાડવામાં આવી હતી.

આ રમોત્સવમાં પ્રજ્ઞાચક્ષુ ખેલાડીઓએ ભાગ લીધો હતો.આજરોજ યોજાયેલ ક્રિકેટ ટુર્નામેન્ટમાં પ્રજ્ઞાચક્ષુઓની 4 ટીમોમાં 50 ખેલાડીઓએ ઉત્સાહભેર ભાગ લીધો હતો.સતત 5મી વખત ભરૂચમાં આ પ્રકારનું આયોજન થઈ રહ્યું છે.પ્રજ્ઞાચક્ષુ ખેલાડીઓના આત્મવિશ્વાસમાં રમત ગમત દ્વારા વધારો થાય એ હેતુસર વિવિધ રમતોનું આયોજન કરવામાં આવે છે.