Connect Gujarat
ગુજરાત

બોટાદ : ઘરકંકાસમાં પત્ની અને ભાભીને મોતને ઘાટ ઉતારનાર આરોપીને પોલીસે દબોચ્યો

બોટાદ જિલ્લાના રાણપુર તાલુકાના ગુંદા ગામે ડબલ મર્ડરની ઘટનામાં પોલીસે ગણતરીના દિવસોમાં જ આરોપીની ઝડપી પાડ્યો છે

X

બોટાદ જિલ્લાના રાણપુર તાલુકાના ગુંદા ગામે ડબલ મર્ડરની ઘટનામાં પોલીસે ગણતરીના દિવસોમાં જ આરોપીની ઝડપી પાડ્યો છે. મિલકત અંગે છેલ્લા ઘણા સમમયથી ચાલી રહેલા ઘરકંકાસથી કંટાળીને આરોપીએ તીક્ષ્ણ હથિયાર વડે ઘા ઝીકિને પોતાની પત્ની અને ભાભીની હત્યા કરી મોતને ઘાટ ઉતાર્યા હતા.

મળતી માહિતી મુજબ, બોટાદ જિલ્લાના રાણપુર તાલુકાના ગુંદા ગામે ભીખુ સુરસંગ ડોડીયાએ ગત તારીખ 31/08/2021 નાં રોજ પોતાની પત્ની હર્ષાબેન તથા ભાભી ધીરજબેન ઉર્ફે કૈલાશબેન રણજીતભાઈ ડોડીયાની છરી વડે તિક્ષ્ણ હથિયારના ઘા ઝીંકી હત્યા કર્યાનો બનાવ બન્યો હતો. બનાવની જાણ બોટાદ જિલ્લા પોલીસ વડા હર્ષદ મહેતાને સ્ટાફ સાથે ગુંદા ગામે દોડી આવ્યા હતા અને હત્યાનું કારણ અને હત્યારાને પકડવા માટે બોટાદ જિલ્લા પોલીસની એસ.ઓ.જી શાખા એલ.સી.બી શાખા તેમજ રાણપુર પોલીસ સહિતની 70 પોલીસ કર્મીઓની વિવિધ ટીમો બનાવી આરોપીને પકડવાની કવાયત હાથ ધરી હતી. જોકે પોલીસે ગુંદા ગોધાવટા વચ્ચે સીમમાં આવેલી આરોપી ભીખુ સુરસંગ ડોડીયાની વાડીનો વિસ્તાર કોર્ડન કર્યો હતો, જેને લઈ આરોપી બોટાદની ગોધાવટા ચોકડી પાસેથી બાઈક લઈ ભાગવા જતાં પોલીસ ચેકીંગ દરમિયાન તે જોઈને બાઈક છોડી ભાગવા જતાં પોલીસની સંયુક્ત ટીમોએ પકડી પાડ્યો હતો, પ્રારંભિક તપાસમાં બહાર આવ્યું કે, મિલ્કત બાબતે પરિવારમાં છેલ્લા ઘણા સમયથી ચાલી રહેલી કંકાસ બાબતે હત્યા કરી હતી, હત્યા કરવા પાછળ કારણ પત્ની અવાર-નવાર ઝઘડા કરતી હતી અને આરોપીએ ત્રાસી જઈને ભાભી અને પત્નીને છરીના ઘા ઝીંકી હત્યા કરી બંનેના ઢીમ ઢાળી દીધા હતા.

Next Story
Share it