ગુજરાત રાજ્ય યોગ બોર્ડ દ્વારા ડાંગ જિલ્લા કક્ષાની સૂર્ય નમસ્કાર સ્પર્ધા યોજાય…

ગુજરાત સરકારના રમત-ગમત, યુવા અને સાંસ્કૃતિક પ્રવૃતિઓ વિભાગ પ્રેરીત, ગુજરાત રાજ્ય યોગ બોર્ડ દ્વારા આયોજીત, અને જિલ્લા વહીવટી તંત્ર દ્વારા સંચાલિત જિલ્લા કક્ષાની સૂર્ય નમસ્કાર સ્પર્ધા-૨૦૨૩નું ડાંગ જિલ્લાની સરકારી માધ્યમિક અને ઉચ્ચત્તર માધ્યમિક શાળા-આહવા ખાતે આયોજન કરાયું હતું.

ડાંગ જિલ્લા રમત વિકાસ અધિકારી અંકુર જોષીની અધ્યક્ષતામાં યોજાયેલ જિલ્લા કક્ષાની આ સૂર્ય નમસ્કાર સ્પર્ધામાં ૬ ભાઈઓ, અને ૭ બહેનો મળી કુલ ૧૩ સ્પર્ધકોએ ભાગ લીધો હતો. આ કાર્યક્રમમા સરકારી માધ્યમિક અને ઉચ્ચત્તર માધ્યમિક શાળાના આચાર્ય અમરસિંહ ગાંગુર્ડા, ડાંગ જિલ્લા યોગ કોર્ડીનેટર કમલેશ પત્રેકર, યોગ કોચ સરીતા ભોયે,નેહા કાપડીયા, છગન ચૌર્યા, સુમન ગાયકવાડ સહિતના મહેમાનો ઉપસ્થિત રહ્યા હતા.