નવસારી : વિદેશ જવાના કામે ખોટા સિક્કાના આધારે બોગસ સોગંદનામું બનાવનાર ભેજાબાજની ધરપકડ...

ખોટા સહીસિક્કા દ્વારા વિદેશ જવાના કામ અર્થે ખોટું સોગંદનામુ બનાવનાર અને વીઝાનું કામ કરતા આલીપોરના શખ્સની પોલીસે ધરપકડ કરી વધુ તપાસ હાથ ધરી...

New Update
  • ચીખલીના આલીપોર ગામના યુવકનું કારસ્તાન સામે આવ્યું

  • યુવકે વકીલના ખોટા સિક્કાના આધારે બનાવી હતી એફિડેવિટ

  • વિદેશ જવાના કામ અર્થે બનાવી આપતો હતો ખોટું સોગંદનામુ

  • ચીખલીના એડવોકેટ નલિન વૈદ્ય દ્વારા પોલીસ મથકે ફરિયાદ

  • પોલીસે આરોપી શોએબ મન્સુરની ધરપકડ કરી તપાસ આદરી

નવસારી જિલ્લાના ચીખલીના એડવોકેટ નોટરીના ખોટા સહીસિક્કા દ્વારા વિદેશ જવાના કામ અર્થે ખોટું સોગંદનામુ બનાવનાર અને વીઝાનું કામ કરતા આલીપોરના શખ્સની પોલીસે ધરપકડ કરી વધુ તપાસ હાથ ધરી હતી.

મળતી માહિતી અનુસારનવસારી જિલ્લાના ચીખલીમાં વકીલ અને નોટરીનું કામ કરતા અને ફરિયાદી નલિન વૈદ્યના નામની સહી-સિક્કાવાળી એફિડેવિટની ઝેરોક્ષ નકલ ચીખલીના હરણ ગામના પાદર ફળિયાના મહંમદ સિદાદની પત્ની ઝુલેખાબેન વિદેશના કામ માટે બીજી એફિડેવિટની જરૂર છેતેમ જણાવતા બીજા વકીલો પાસે ફરતા હોવાનું તેમના ધ્યાનમાં આવ્યું હતું.

તેમણે આ નકલ મેળવી તપાસ કરતા આ એફિડેવિટ ગત તા. 29 ઓગષ્ટ-2023ના પહેલા કરી હોય અને હાલ નવા એફિડેવિટની જરૂર હોયજે સમગ્ર હકીકત બહાર આવી હતી. આ મામલે ઝુલેખાબેનનો સંપર્ક કરી તેમને પૂછતા લંડનમાં રહેતા દીકરા પાસે જવા માટે વીઝા એપ્લાય કરવાનું કામ કરતા આલીપોરમાં રહેતા સોએબ અહમદ શબીરહુસેન મન્સુરને સોંપ્યું હતુંઅને તેના દ્વારા જ આ એફિડેવિટ કરી અપાઇ હોવાનું જણાવ્યું હતું.

જોકેઆ એફિડેવિટમાં એડવોકેટ નલીન વૈદ્યના નામનો સહી તેમજ સિક્કોલાલ કલરનું સ્ટીકર ઉપરાંત રાઉન્ડશીલ તેમજ સિરિયલ નંબરનો સિક્કો તથા એફિડેવિટમાં જે સિરિયલ નંબર દર્શાવેલ તે પણ ખોટો હોવાનું બહાર આવ્યું હતુંત્યારે ફરિયાદના આધારે પોલીસે સોએબ અહમદ શબ્બીર હુસેન મન્સુરની ધરપકડ કરી વધુ તપાસ હાથ ધરી છે.

Read the Next Article

હવામાન વિભાગની આગાહી, છ દિવસ દક્ષિણ ગુજરાતના કેટલાક વિસ્તારોમાં ભારે વરસાદની સંભાવના

હવામાન વિભાગની આગાહી મુજબ હવે કચ્છ અને સૌરાષ્ટ્રમાં 9 જુલાઇથી વરસાદનું જોર ઘટી જશે પરંતુ દક્ષિણ ગુજરાત, મધ્ય ગુજરાત, ઉત્તર ગુજરાતમાં મેઘમહેર યથાવત રહેશે,

New Update
guj

હવામાન વિભાગની આગાહી મુજબ હવે કચ્છ અને સૌરાષ્ટ્રમાં 9 જુલાઇથી વરસાદનું જોર ઘટી જશે પરંતુ દક્ષિણ ગુજરાત, મધ્ય ગુજરાત, ઉત્તર ગુજરાતમાં મેઘમહેર યથાવત રહેશે, વિસ્તારોમાં ક્યાંક ભારે તો ક્યાંક મધ્યમ વરસાદનું અનુમાન છે.

હવામાન વિભાગની આગાહી મુજબઆજથી છ દિવસ દક્ષિણ ગુજરાતના કેટલાક વિસ્તારોમાં ભારે વરસાદની આગાહી છે. આજે નવસારી અને વલસાડમાં છુટાછવાયા સ્થળોએ ભારે વરસાદ ખાબકવાનું અનુમાન.. તો સંઘપ્રદેશ દમણ, દાદરા અને નગર હવેલીમાં પણ ભારે વરસાદનું યલો એલર્ટ જાહેર કરવામાં આવ્યું છે.

બંગાળની ખાડીમાં એક લો પ્રેશર એરિયા સર્જાયું છે.  જે આગળ વધીને મધ્ય પ્રદેશ તરફ જશે, જેની અસર ગુજરાત પર થતાં વરસાદ પડશે. 9 જુલાઇ બાદથી સૌરાષ્ટ્ર અને કચ્છમાં ભારે વરસાદની શક્યતા નહિવત છે પરંતુ હળવોથી મધ્યમ વરસાદ વરસતો રહેશે. દક્ષિણ ગુજરાત, પૂર્વ ગુજરાત,ઉત્તર ગુજરાતના વિસ્તારમાં 9 જુલાઇ બાદ વરસાગદનું જોર વધશે અને આ વિસ્તારમાં સાર્વત્રિક વરસાદ વરસતો રહેશે. આગામી 24 કલાકમાં દક્ષિણ ગુજરાતના વિસ્તારમાં  ખેડા, પંચમહાલ, આણંદમાં વરસાદની શક્યતા છે. વલસાડ નવસારી ડાંગ તાપી સુરત ભરૂચ નર્મદામાં પણ મધ્યમથી ભારે વરસાદનું અનુમાન છે. સૌરાષ્ટ્રની વાત કરીએ તો દરિયાકાંઠાના વિસ્તારમાં વરસાદ વરસી શકે છે. હવામાન વિભાગની આગાહી મુજબ 12 જુલાઇ બાદ સૌરાષ્ટ્ર કચ્છમાં મોટાભાગના વિસ્તારમાં વરસાદ બંધ થઇ જશે. આ વિસ્તારમાં 12 જુલાઇ બાદ વરાપ નીકળશે. છોટા ઉદેપુર, અમદાવાદ, મહિસાગર, અરવલ્લીમાં મધ્યમથી ભારે વરસાદનું અનુમાન છે. બનાસકાંઠા, સાબરકાંઠા અને મહેસાણામાં પણ મધ્યમ કરતા વધુ વરસાદ વરસી શકે છે.