નવસારી જિલ્લાના ગણદેવી તાલુકાના બીલીમોરા શહેરમાં આખલાઓનો આતંક યથાવત રહ્યો હોવાના CCTV ફૂટેજ સામે આવતા પાલિકા તંત્રની કામગીરી સામે અનેક સવાલ ઊભા થયા છે.
નવસારી જિલ્લાના ગણદેવી તાલુકાના બીલીમોરા શહેરમાં આખલાઓનો આતંક સામે આવ્યો છે. બીલીમોરા સ્ટેશન રોડ વિસ્તારમાં આખલા બાખડતા CCTV કેમેરામાં કેદ થયા હતા. આખલાઓનું ટોળું બાખડતાં એક બાઈક ચાલક માંડ માંડ બચ્યો હતો. તો બીજી તરફ, રોડની સઇદમાં રહેલા અન્ય વાહનોને પણ નુકશાન થયું હતું.
અગાઉ પણ બીલીમોરા શહેરમાં રખડતા ઢોરના કારણે અનેક અકસ્માતો થતાં લોકોમાં રોષ જોવા મળ્યો હતો, ત્યારે નગરપાલિકા દ્વારા રખડતા ઢોર બાબતે નક્કર કમગીરી કરવામાં આવે તેવી લોકો માંગ કરી રહ્યા છે. અત્રે ઉલ્લેખનીય છે કે, નગરપાલિકા દર વર્ષે ઢોર પકડવા માટે અલાયદૂ બજેટ ફાળવવામાં આવે છે, તેમ છતાં રખડતા ઢોરનો આતંક યથાવત રહેતા પાલિકા પ્રત્યે લોકોમાં ભારે રોષ જોવા મળી રહ્યો છે.